Arbogia

Arbogia^[1] vel Argbughae^[2] (Suecice Arboga) est oppidum Sueciae, sedes communis Arbogiensis, in provincia Vestmanniae sita. Numerus incolarum circiter 11 000 anno 2020 fuit.^[3]

Nomen oppidi, primum anno 1286 ut Arbugæ memoratum, ex vocabulis antiquis Suecicis ar (flumen) et bughi (flexus) compositum est, locum ad flexum fluminis significans.^[4] Urbs iam saeculo tertio decimo iura municipalia accepit, quamvis locus multo antea, circa annum 900, habitari coeptus sit.

Arbogia in historia Sueciae magni momenti est. Anno 1435, prima sessio Comitiorum Ordinum Sueciae (Suecice Riksdag) ibi habita est. Saeculo XVI, rex Ericus XIV ibidem conventum ordinum convocavit, ubi "Articuli Arbogienses" promulgati sunt, quibus potestas principum restringebatur. Anno 1710, pestilentia Holmiae grassante, oppidum sex menses caput regni Sueciae fuit..

Hodie Arbogia nodus viarum et ferriviarum magni momenti est, ubi viae Europaeae E18 et E20 conveniunt. Etiam ferriviae Holmia-Orebrogia, et Svealandsbanan ibi iunguntur. Prope urbem museum robotorum militarium (Suecice Arboga robotmuseum) invenitur, quod missilibus dirigibilibus dedicatum est.

Notae

↑ J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
↑ Diplomatarium Suecanum SDHK 1514.
↑ Census urbanus.
↑ Svenskt ortnamnslexikon. Språk- och folkminnesinstitutet, Uppsala 2003, ISBN 91-7229-020-X.

Nexus externi

Situs geographici et historici: Locus: 59°23′58″N 15°49′37″E • GeoNames • Store norske Lexikon • Большая российская энциклопедия

[1] J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3

[2] Diplomatarium Suecanum SDHK 1514.

[3] Census urbanus.

[4] Svenskt ortnamnslexikon. Språk- och folkminnesinstitutet, Uppsala 2003, ISBN 91-7229-020-X.

[1]

[2]

[3]

[4]