Alcaeus (mythologia)
In mythologia Graeca Alcaeus[1], filius Persei et Andromedae, erat rex Tirynthis. Uxorem duxit Astydamian, filiam Pelopis, e qua genuit filium Amphitruonem et filiam Anaxo. Anaxo Electryoni patruo nupsit et mater Alcmenae fuit.
Ab Alcaeo Hercules saepe "Alcides"[2] vocatur necnon "Tirynthius heros" (quamvis Thebis natus) : nam filius Alcmenae erat, Amphitruonis uxoris. Nonnulli auctores etiam adfirmaverunt Alcaeum[3] primum nomen Herculis fuisse antequam angues necaret, vel Alcidem donec a Pythia Haracles appellatus est post necem primae uxoris Megarae[4].
Fontes
[recensere | fontem recensere]- Apollodori bibliotheca II,4,5-6
Notae
[recensere | fontem recensere]- ↑ Graece ΆλκαΊος
- ↑ Άλκείδης
- ↑ Nam Άλκαιος ab Άλκή derivatus est, id est "vi,vigore".
- ↑ Apollodori bibliotheca II,4,12