Аср сүрөсү
Аср сүрөсү (арабча: سورة العصر, Убакыт, мезгил) — Курандын 103 сүрөсү.
Сүрө Меккеден түшкөн жана 3 аяттан турат. Бул сүрөдө адам өз иштеринде зыян тартаары, бирок Аллахка ишенгендер, жакшы амалдарды кылгандар, жана акыйкаттык менен бири бирин сабырдуулукка насаат кылгандар зыян тартпаары айтылган.
Арабча тексти
[түзөтүү | булагын түзөтүү]
بِسۡمِ ٱللهِ ٱلرَّحۡمَـٰنِ ٱلرَّحِيمِ
1. وَالعَصرِِ
2. إِنَّ الإِنسٰنَ لَفى خُسرٍ
3. إِلَّا الَّذينَ ءامَنوا وَعَمِلُوا الصّٰلِحٰتِ وَتَواصَوا بِالحَقِّ وَتَواصَوا بِالصَّبرِ
Кыргызча мааниси
[түзөтүү | булагын түзөтүү]
Аср1 сүрөсү
Мээримдүү, Ырайымдуу Аллахтын аты менен
1. Асрга ант2!
2. Албетте, инсан коромжуда3.
3. Бирок, ыйман келтиргендер, жакшы амалдарды жасагандар жана актык менен сабырдуулукка бири-бирин насаат кылгандар (коромжуда эмес).
Кыскача түшүндүрмө
[түзөтүү | булагын түзөтүү]
1 Аср - "Заман (кылым)", "доор" (убакыт, мезгил) дегенди билдирет. Дагы бир мааниси - "күндүн экинчи жарымы", "дигер маалы".
2 Өтө кыска да нуска, ар бир адамдын жашоосуна өрнөк боло турган сүрө. "Бүт Куранды билбеген адам, ушул сүрөнү өрнөк кылып алса жетиштүү болмок", - деген Имам Шафи (р.х.). Бул сүрөнү ар бир жыйналыштын соңунда окуу сүннөт.
Инсан алсыз болгондуктан шайтан менен напсинин азгырыктарына туруштук бере албай зыйанга гана учурайт.
3 Зыйанда
Колдонулган адабият
[түзөтүү | булагын түзөтүү]- "Ыйык Куран маанилеринин кыргызча котормосу". Baski Erkam Matbaasi-2006. - ISBN 9967-23-409-1
Которгондор:Абдышүкүр Исмаилов, Дүйшөн Абдылдаев, Садибакас Доолов, Садык Гавай
Текшергендер:Кимсанбай Абдурахманов, Камил Абжапаров
Интернеттеги шилтемелер
[түзөтүү | булагын түзөтүү]- Куран Archived 2013-05-13 at the Wayback Machine
| Муруңку сүрөө: Таксур сүрөсү | Сүрө 103 — Арабча текст | Кийиңки сүрөө: Хумаза сүрөсү |