Sugra

Sugra yw an hanow kemmyn rag niver a gesstoffow kymyk, niver anedha gans blas melys. Dre vras, kampollys yw sukros, laktos po fruktos. Komprehendys yw sugra yn nebes sortow a voos, po keworrys yw dhodho rag provia blas melys.

Hanow sugra normal (an huni yw keworrys dhe voos dell yw usys), tennys yn mes a gorsen sugra po betys sugra, yw sukros. Kevys yw fruktos yn frooth. Avel kymygow, sukros yw gwrys a dhew sort a sugra le (ha glukos yw an moyha kemmyn a'n re ma, fruktos ha galaktos yw an erel). An korf denel a dreyl sukros dhe vos glukos. Fruktos ha glukos yw kevys yn mel.

Sort a garbohydrat yw sugra. Hemm yw drefen aga bos gwrys a garbon, hidrojen hag oksyjen. Karbohydratow a yll bos karbohydratow sempel po karbohydratow komplek. Karbohydratow sempel yw gwrys a onan po nebes a'n sortow sugra byghan. Karbohydratow komplek yw gwrys a lies unn a'n sortow sugra byghan.

Starcha yw kymygen kevys yn bosow kepar ha bara, ris hag avalow dor. Karbohydrat komplek yw gwrys a lies molekulen glukos. Pan vo starcha dybrys, an korf a'y dreth dhe sugra le. Ensaym yw keworrys dhe'n boos y'n ganow, mes ny wra oberi bys dhe dhrehedhes an sagh boos. Divlas yw starcha y'n ganow.

Brasil a askorr an moyha a sugra an person, ha konsumyans Eynda a sugra yw an moyha a bub gwlas.

Kesstoffow kymyk erel nag yw sugra a yll bos usys rag ri blas melys. Onan anedha, stevia, a dheu dhyworth plans a'n keth hanow. Erel, kepar hag aspartame, yw synthetek yn tien. Tus a's usya rag avoydya kudynnow yeghes kawsys gans sugra. An posekka a'n re ma yw kleves melys.

Sugra a dheu yn liwyow dyffrans. Rag ensampel, keworrys yw molas dhe sugra rag gul sugra gell. Usys yw yn fenowgh rag kegina. Pub 100g a sugra a gomprehend 387 kalori.

Betys sugra
Kesweyth kymyk sukros, gwrys a dhew sugra le
Korsen sugra terrys
Kesweyth fruktos
kesweyth sukros
Boos starchus gwrys a garbohydratow komplek
ensamplow a sugra gell: Muscovado - topp, gell tewl - kledh, ha gell owrek - dyghow

Onan a'n mil erthygel posekka war Wikipedya yw an erthygel ma.