Tawrirt n Buɛli

Tawrirt n Buɛli
Ansa
36°36′N 4°36′E
Awanek anayan	Lezzayer
Tawilayt	Tawilayt n Bgayet
Tadayra	Tadayra n Cemmini
Taɣiwant	Suq Ufella

Tawrirt n Buɛli tira tarumit (Fr:Taourirt n Bouali) neɣ Tawrirt n Ulzuz Ufella, tesɛa azal n wagim (1 000) d amezduɣ. Ass-agi tezga-d d tis uqus (4) deg tɣiwant, id yezgan deg usamer n lɛerc n At Weɣlis.

Aẓar n wawal

tamuqli deg seɛdelli ɣer wassif n Sumam

Tawrirt n Buɛli neɣ Taourirt n Bouali.

Tawrirt yusa-d deg wemkan arakal n taddart (situation géographique du village) s tefransist (Coline).

Buɛli neɣ Bouali Muqel Amezruy n Taddart.

Irdumen n taddart (les activités du village)

Saɛdelli

Ger Irmuden i leḥḥun deg taddart, ad naf deg sen Tidukla tadelsant tanaddalt n Tawrirt n Buɛli Suq Ufella (FR: association culturelle et sportive Taourirt n Bouali Souk-Oufella), Tidukla-agi tefka-d tamuɣli-ines tamezwarut deg iseggasen 90, d acu tewwi-d yid-s aṭas n yegna i tt-yerran temdel tabburt-is zik.

Deg akud ɣer wayeḍ tidukla tɛaweded talalait ger 2005 akk d 2006, s terbaɛt nniḍen i d-iqesden ad tesselḥun akken iwata lḥal. Ass agi tidukla agi tqeddec deg aṭas yeḥricen gar-asen :

• Timeɣri n talalt (cours du soutien)
• Uraren n wesgmi (jeux éducatifs)
• Tamkarḍit (Bibliothèque)
• Amezgun (théâtre)
• Lexyaḍa (Broderie)
• Tisenselkemt ( Informatique)
• Tafsirt ( Exposition)
• Amurri (Excursion)
• Akarati (karaté)

Amezruy

Taddart n tewrirt tettusemma ger tudrin timecṭaḥ n lɛerc n At Weɣlis, Asmi id tekcem Fransa, Tawrirt tesɛa azal n warim(20) ye xxamen , tebeddu deg tama ufella s Nnig ixxamen(ass-a d'amkan anda ttaǧǧan wat taddart tikeryas-nsen) ɣer Amessaḍ (ass-a yuɣal d talemmast n taddart) deg tama n wadda. Daɣen deg Tebburt n Weḥfir seg tama d tayeffust ɣer wezrug deg tama taẓelmaṭt. Zik taddart tezzid akk s tebbura, aberrani ur yezmir ad tyezger deg tlemmast anagir ma yella yusa-d ɣer taddart neɣ d inebgi.

Buɛli, izmer ad yili d amdan a menzu id yussan ɣer taddart, nezmer ad nini belli d amdan amenzu neɣ d amdan amenzu yetwasnen deg taddart acku ar ass-a tella yiwet tala ddaw wexxam n Muḥend Akli Umusa rrif bbin n tburrebt ass-a yuɣal d ayla n Lewnis At Wejɛud, itin mi semman Tala n Buɛli.

Timeɣriwin n taddart (Leɛwayed n taddart)

• Yennayer: d ass a menzu n weseggas amaziɣ, daɣen d ayyur amenzu n weseggas.
• Aderyes: d ass amenzu n tefsut, Aderyis neɣ Aderyes d imensi si nettmagar tafsut .
• Tafsut Imaziɣen: d tajmilt i wass n warim(20) deg yebrir 1980, akk d tefsut taberkant 2001.
• Lɛid Ameẓyan: d tameɣra id yusan deg ddin n teneslemt, d tameɣra i tefakkin n Remḍan
• Lɛid Ameqran: d tameɣra id yusan daɣen deg ddin, deg-s nzellu iker (ikerri).

Tidyanin ig uran amezruy atrar n taddart (évènements qui ont marqués l'histoire récente du village)

Annar n Taddart: Tawrirt n Buɛli (win n leḥaǧ)

• 1979 tkecem-d teẓarurt (trissiti : électricité) ɣer taddart.

• 1986 ikecm-d webrid n baylek(n wekerrus) ɣer taddart armi d nnig ixxamen. id yekkan tama n taddart n Iɛeyyaḍen.

• 2000 tebbi-d taddart aman deg wedrar.

• deg 2000 ɣer 2006 taddart tebna Aɣerbaz, iɛedda-d webrid wis sin tama n taddart n Telwaqaḍi, banan tileggwit (tiqenṭert) n Tebburt n Weḥfir.

• 2007 xedmen annar n ddabex n weḍar (stade de football).

Tarakalt

Tawrirt tesɛa tilisa d waṭṭas n tudrin, tama ufella ad naf taddart Iɛeyyaḍen (Ayaten), tama tayeffust ad naf Tilwaqaḍi (Tiliouacadi) ...

Iderman

At Wejɛud (At Wejaoud)

At Wejɛud d adrum ameqran n taddart yesɛa azal n carit (30) ye xxamen, adrum-agi yebḍa ɣef krad (3) nneqmat (nom de famille) deg tira Tafransist gar-asen Adjed, Djaouani akk d Djaou.

ass-agi tawacult Adjed d nutni id yegran aṭṭas deg we drum acku tawacult Djaou udren akk ɣer Tqeriett ma d Djaouani akk d Adjed aṭṭas daɣen ig udren ɣer Tqeriett, dacu aṭṭas ig qqimen deg taddart.

At Ḥemmic (fr:At Hemmiche)

At Ḥemmic d adrum wis sin meqren deg taddart yesɛa azal n warim (20) yexxamen, adrum agi yebḍa ɣef sin nneqmat deg tira Tafransist garasen ad naf Hamadi akk d Hamlaoui, adrum n At Musa (mouzaoui) d'adrum ig zedwen ɣur-sen, ass agi at ḥemmic akk d wat musa uɣalen d yiwen wedrum.

At Belɛid (fr:At Belaaid)

At Belɛid d adrum ig sɛan azal n mraw semmus (15) yexxamen, daɣen yebḍa ɣef krad nneqmat grasen ad naf Belazouz, Aouchiche akk d Belbahi. At Weḥmaduc d'a drum i win mi ssawalen sebḥi, izdew ɣer wedrum n at belɛid, ass agi i uqqus (4) d yiwen wedrum.

At Musa (At Moussa)

Adrum n At Musa d win ittawin isem n mouzaoui, deg taddart llan azal n mraw (10) yexxamen

At Ḥemd uqasi (fr:At Hemd oukaci)

Adrum n At Ḥemd uqasi d'adrum yettawin nnekwa neɣ immer n Kesri akk d Kisri, amgarad-agi ger sin ismawen yusa-d deg leɣlaḍ deg tira

At Weɛmiruc (fr:At Weamirouche)

Ariouate d immer n wedrum n At Weɛmiruc

At Umenṣur (fr:At Oumensour)

Messar d Menadi d imeriwen id yesbadun adrum n at Umenṣur, akken id nufa deg temucuha n taddart, qqaren-d belli d nutni i d imenza ig zedɣen taddart uma ɣas ass agi ger iderman ibesṭaḥ n taddart.

At Tewwati (fr:At touazi)

Touazi d immer n wedrum n at Ttewwati, ass-a deg taddart drus yid-sen ,zik d adrum meqqren deg taddart, acku udren (ṣubben) akk ɣer teferka-nsen nnig wassif n Sumam , xelqen-d taddart nnig n Tqriett i tin m i nsemma At Twati.

At Sidi Ḥmed (fr:At Sidi Ahmed)

Ayoub

At Weḥmaduc (fr:At Wehmadouche)

Sebhi

Imdanen i xedmen taddart neɣ tamurt

Wid i xedmen tamurt

Ṭrad n Lezzayer (1954-1962)

• Adjed Khlifa ( Xlifa at wejɛud)
• Ayoub Mohand arezki (muḥend arezqi n'at sidi aḥmed)
• Hamadi Mensour(Mensur at ḥemmic)
• Hamlaoui Idir (Idir at ḥemmic)
• Messar Ali (Ali umensur)
• Touazi Hachemi (Hacmi at twati)

Ṭrad amaḍal wis sin (1939-1945)

• Adjed Mouloud (Mulud at Wejɛud)
• Kesri Akli (Akli n'at Ḥemd Uqasi (n Wemɛuc))
• Hamlaoui Bachir (Bacir at Ḥemmic)
• Hamlaoui Said (Said at Ḥemmic)
• Touazi Rabah (Rabaḥ At twati)

Ismilen n Internet

• http://thidukla.webobo.com/ Tidukla tadelsant tanaddalt "taourirt n bouali souk-oufella"

• Amennuɣ ger Leqbayel d waɛraben ɣef yisem Adjed

• tameɣra n yennayer 2960 (2010 a-c) aḥric amenzu
• aḥric wis sin ad yass deg ussan i d-iteddun
• tameɣra n yennayer 2960 (2010 a-c) aḥric wis kraḍ (3)

Tugniwin nniḍen

Tugna:Agafa.png

Tamuɣli n Tawrirt n Buɛli deg tugna id yettbegginen agafa ɣer tama ufella