Wajra

Bajra minangka piranti ritual

Viśvavajra utawi "wajra gandha" dipuntedahaken ing lambang Bhutan.

Wajra (Sansekerta: vajra, Devanagari: वज्र Jawa: bajra) inggih punika istilah ingkang asalipun saking basa Sansekerta ingkang ngemu teges gludhuk lan inten. Minangka benda ritual, bajra inggih punika tongkat logam kanthi sula ing tengahipun dipunklilingi kathah sula-sula sanès ingkang mlengkung mlebet lan pucukipun nyambung manunggal kaliyan sula utama ing tengahipun.

Piranti ritual

Bajra dipunpitadosi nglambangaken kekokohan jiwa lan kekiyatan spiritual. Benda punika dados piranti ritual kanggé panerapan gladhén spiritual wonten ing Buda, Jainisme lan Hinduisme, sadaya inggih punika tradhisi Dharma. Amargi teges simbolisipun ingkang wigati, Bajra sumebar ing kathah wewengkon ing Asia sanèsipun sesarengan sumebaring prabawa spiriyual saking India. Wujud Bajra dipun-ginakaken minangka piranti spiritual, ornamén genta, ornamén arsitèktur, utawi atribut arca ing manéka wewengkon ing Asia kados ta India, Nepal, Tibet, Bhutan, Siam, Kamboja, Indonesia, Myanmar, Cina, Koréa, lan Jepang.

Senjata

Bajra ugi minangka salah satunggaling lakçana (atribut) ugi senjata déwa Indra ingkang saged némbakaken gludhuk. Senjata ingkang awujud kados gludhuk déwa Zeus wonten ing mitologi Yunani. Senjata pamukul logam saking Jepang ingkang dipunsebut yawara — ugi dipundamel dhedhasar bajra ingkang minangka wujud simbolis inten (benda paling atos ing donya), ugi gludhuk utawi petir (kekiyatan dahsyat ingkang boten saged dipuntahan). Tongkat pamukul gada ugi wonten ingkang bentukipun nyonto wujud bajra.

Pigunan sanès Bajra

• Mastaka Bajra kapanggihaken wonten ing seni arsitèktur candhi Hindhu ing Indonesia. Wujud bajra utawi ratna maringi makutha candhi Hindhu minangka sandhingan stupa wonten ing candhi Buda. Mastaka Bajra saged kapanggihaken ing candhi Prambanan. Mastaka Bajra wonten ing wujud sanès saking bahan kayu utawi terakota ugi dipun-ginakaken wonten ing arsitèktur Pura Bali, minangka kemuncak atap susun tumpang meru.
• Wajralepa kadang kala dipunéja Bajralepa (vajralepa); ingkang ateges 'lepa intan' inggih punika bahan lepa pelapis dinding candhi sajinis plaster putih kekuningan kanggé ngalusaken lan ngéndahaken témbok saking karisakan. Bajralepa jaréné kadamel saking campuran putih telur, getah tetuwuhan, kapur alus, lan sanès-sanèsipun. Bekas-bekas bajralepa kapanggihaken wonten ing candhi Sari lan candhi Kalasan. Sapunika pelapis bajralepa sampun kathah ingkang mudhar.

Uga delengen

• Sutra Intan
• Prajnaparamita
• Tri Ratna
• Trisula
• Wajrayana

Waosan sambungan

• Dallapiccola, Anna L. Dictionary of Hindu Lore and Legend. ISBN 0-500-51088-1
• McArthur, Meher. Reading Buddhist Art: An Illustrated Guide to Buddhist Signs And Symbols. Thames & Hudson Ltd, 2002.
• Vessantara. Meeting The Buddhas. Windhorse Publications, 2003.
• Vessantara. Vajra and Bell. Windhorse Publications, 2001.

Pranala njaba

• The Diamond Sutra, also called the Vajra Cutter Sutra, available in multiple languages from the FPMT
• The Essential Songs of Milarepa / VI. Songs About Vajra Love 46. Answer to Dakini Tzerima
• Vajra Love—Essays from the Sites of Keith Dowman