Niat sajeroning ati, Sapa waé kang arep tayammum kudu niyat ndhisik ana ing atiné, dhedhasar kadis"Saktemené kabèh ngamal iku gumantung marang niaté, lan kabèh wong bakal nampa walesan miturut apa kang diniataké" (HR Bukhari lan Muslim)
Maca Bismillah, Adhedhasar kadis kang diriwayataké Abu Hurairah"Ora salat (ora sah shalaté) kanggo wong kang ora wudhu, lan ora ana wudhu (ora sah wudhuné) kanggo wong kang ora nyebut asmané Allah" (HR Abu Dawud, Ibnu Majah, Ahmad lan dihasanaké déning Al-Albani). Kadis mau magepokan karo masalah wudhu nanging dienggo dalil kanggo masalah tayammum amarga tayammum iku gantiné wudhu lan apa kang mbatalké wudhu uga mbataleké tayammum.
Nepukaké tangan loro ning lemah kang suci banjur diusapaké maring tangan lan rai, Banjur ngusap tlapak kanthi gentènan saka pucuk driji tekan kemiri tangan. Dalilé kadis riwayaté Ammar "Rasullullah tau ngutus aku. Nalika iku aku banjur junub lan aku ora olèh banyu. Banjur aku guling-guling ana ing lemah kaya guling-gulingé kéwan. Aku banjur nyritakaké kedadèan mau marang Rasulullah, panjenengané ngendika "cukup kanggo kowé mengkené", banjur panjenengané nepukaké tangan ning lemah sapisan banjur disebul. Bar iku diusapaké rai lan tlapak tangan loro-loroné" (HR Bukhari lan Muslim)
