Ril sepur

Ril sepur wangun Y lan wangun konvensional.

Ril digunakaké ing jalur sepur. Ril ngarahaké utawa mandhu sepur tanpa merlokaké pangendhalèn. Ril wujud rong batang ril kaku kang padha dawané dipasang ing bantalan minangka dhasar landhesan. Ril-ril mau ditalèni ing bantalan kanthi migunakaké paku ril, sekrup panambat, utawa penambat e (kaya panambat Pandrol).

Jinis panambat kang digunakaké gumantung marang jinis bantalan kang digunakaké. Puku ulir utawa paku panambat digunakaké ing bantalan kayu, sanajan penambat e minangka bantalan beton utawa semèn.

Ril lumrahé dipasang ing sandhuwuré badan dalan kang dilapis mawa watu kricak utawa ditepungi minangka balast. Balast duwé fungsi ing ril sepur kanggo ngredhem getaran lan lenturan ril akibat boboté seput. Kanggo nyebrang kreteg, digunakaké bantalan kayu kang luwih élastis tinimbang bantalan beton.

Jinis ril dhedhasar bobot

Ril kang digunakaké ing Indonesia migunakaké standar UIC kanthi Standar:

• Ril 25 kang tegesé 25 kg/m
• Ril 33
• Ril 44
• Ril 52
• Ril 54
• Ril 60

Amba trak

Katerangan candhaké, wacanen Amba trak.

Définisi amba ril/Gauge

Ana sapérangan amba (gauge) kang digunakaké, saya amba saya stabil saéngga saya dhuwur kacepetan sepuré. Amba trak kang umum digunakaké ing antarané

• Amba 700 mm, digunakaké Sepur Acèh, saka Besitang nuju Banda Acèh kang saiki wis ora digunakaké manèh.
• Amba 1000 mm diarani uga "mèter gauge", digunakaké ing Malaysia
• Amba 1067 mm, utawa 3 kaki 6 inci wujud amba ril kang digunakaké kanthi umum ing Indonesia, diarani uga minangka Narrow gauge. Narrow gauge cocog kanggo tlatah kang gunung-gunung amarga trak kang amba mbutuhaké biaya gedhé lan pambangunané luwih angèl.
• Amba 1435 mm, utawa 4 kaki 8,5 inci, wujud ril kang akèh digunakaké ing donya saéngga diarani uga minangka Standar gauge

Panyambungan ril

Amarga alesan transportasi nuju menyang lokasi pamasangan, lumrahé ril saka pabrik panggawéné dikethok dadi ril-ril kanthi dawa 25 m. Kanggo ngundhakaké kanyamanan panggunan sepur kang lumaku ing sandhuwuré mula ril-ril mau disambung. Panyambungan ril dilakokaké kanthi sapérangan cara:

Las termit

Salah siji cara kang umum digunakaké ya iku kanthi las termit ing lokasi saéngga bisa dadi ril kang dawa. Pangelasan migunakaké las termit kanthi migunakaké bahan kimia senyawa wesi kang didèkèkaké ing antarané kaloro ril banjur bahan mau diréaksèkaké ing suhu nganti nyuwèraké bahan kimia mau lan nyambung ril mau, sisa asil reaksi kimia mau banjur dikethok lan diratakaké karo ril.

Sambungan baut

Fishplate ing antarané 2 ril kang disambung

Ing sambungan iki digunakaké sawijining panyangga kang diarani fish plate kang dibaut saka kaloro ril kang disambung. Kanthi sambungan kaya mangkono bakal krasa nalika lumaku sajeroning sepur.

Uga delengen

• Jalur tunggal
• Jalur ganda
• Panambat ril
• Bantalan ril
• Amba trak