Monoceros

MONOCEROS
Daftar lintang ing Monoceros
Cekakan	Mon
Genitif	Monocerotis
Asensio rekta	7.15
Deklinasi	−5.74
Area	482 derajad pesagi (#35th)
Lintang utama	4
Lintang Bayer/Flamsteed	32
Lintang mawa planèt	16
Lintang padhang	0
Lintang cedhak	2
Lintang paling padhang	β Mon (3.76m)
Lintang paling cedhak	Ross 614 ( tc)
Obyèk Messier	1
Udan météor	December Monocerids Alpha Monocerids
Rasi lintang sing wewatesan	Canis Major Canis Minor Gemini Hydra Lepus Orion Puppis
Katon antara lintang +75° lan −90°. Katon paling cetha ing wektu 21.00 jroning sasi February. '

Monoceros (Yunani: Μονόκερως) inggih punika salah satunggaling rasi lintang ingkang alit lan minoritas ingkang mapan wonten ing langit khatulistiwa. Rasi lintang punika inggih sepisanan dipundamel déning astronom Walanda, Petrus Plancius ing abad kaping 17. Plancius paring nama kasebat amargi litang punika kalebet kéwan ingkang gadhah sungu satunggal ingkang medal kaping kathah wonten ing ALkitab. Rasi lintang Monoceros dipunkiteri déning rasi lintang Orion ing sisih kulon, Gemini ing sisih lor, rasi lintang Canis Major ing sisih kidul, lan rasi lintang Hydra ing sisih wétan. Rasi lintang sanèsipun ingkang wonten ing sak kiteripun inggih punika wonten rasi lintang Canis Minor, Lepus lan Puppis.

Lintang-lintang

Rasi lintang Musca gadhah laladan ingkang ambanipun kirang langkung 482 drajat persegi lan ngewrat sedasa lintang ingkang dipunmangertosi minangka planit-planit. Rasi lintang Monoceros punika saged dipuntingali ing garis lintang antawisipun +75° lan-85° lan badhé katingal ingkang saé piyambak wujudipun manawi dipuntingali ing jam 9 dalu ing salebeting Pebruari. Monoceros inggih punika rasi lintang ingkang boten gampil dipuntingali kanthi mripat langsung, ingkang lintangipun magnitudonipun namung sekawan. Déné lintang-lintang ingkang wonten ing rasi lintang Monoceros, ing antawisipun inggih punika:

• AlphaMonocerotis inggih punika lintang ingkang padhang piyambak ing rasi lintang punika, kanthi magnitudo ingkang saged katingal ing 3,93. Lintang punika tebihipun kirang langkung 144 taun cahya.
• Gamma Monocerotis inggih punika lintang ingkang padhang piyambak nomer kalih, kanthi magnitudo 3,98.
• Beta Monocerotis inggih punika lintang tiga, ingkang maujud saking tigang komponèn ingkang wujud segitiga dados. Lintang punika saged dipuntingali liwat teleskop alit. Astronom Jerman, Friedrich Wilhelm Herschel ingkang manggihaken sistem lintang punika ing taun 1781, nyebat lintang punika kanthi salah satunggal ingkang paling éndah wonten ing surga.
• Epsilon Monocerotis inggih punika lintang ganda ingkang kasusun saking unsur pokok pethak lan lintang ampinganipun warna jene.
• Plaskett, inggih punika lintang binar kanthi massa ingkang langkung awrat ping 100 saking masanipun srengéngé.

Planet-planit

Monoceros ngewrat kalih super bumi ing satunggal sistem planit, inggih punika COROT-7b ingkang kapanggih déning COROT satelit lan COROT-7c ingkang kedeteksi déning HARPS saking sisih ngandhap teleskop. Ngantos dipunbiwarakaken kukum Kepler-10b ing sasi Januari 2011, COROT-7b inggih punika exoplanet ingkang paling alit saking ukuran diameteripun, ingkang namung ping 1,58 langkung ageng tinimbang ukuranipun bumi, ingkang dadosaken volumenipun langkung ageng ping 3,95 saking vomume bumi. Kekalih planit punika kapanggih ing taun 2009.

Objek langit Lebet

Monoceros gadhah sapérangan objek langit pérangan lebet ingkang saged dipuntliti, kados ta:

• NGC 2264 ingkang ngewrat sekawan objek ingkang tebihipun kirang langkung 2.600 taun cahya: the Cone Nebula, the Christmas Tree Cluster, Snowflake Cluster lan the Fox Fur Nebula.

Monoceros inggih kalebet wonten ing kulawarga rasi lintang Orion, sesarangen kaliyan rasi lintang Orion, Canis Major, Canis Minor, lan Lepus. Rasi lintang Monoceros dipunkiteri kaliyan rasi-rasi lintang sanèsipun inggih punika rasi lintang Canis Major, Canis Minor, Hydra, Gemini, Lepus. Orion lan Puppis.

Cathetan suku

• Levy, David H. (2005), Deep Sky Objects, Prometheus Books, ISBN 1-59102-361-0
• Ridpath, Ian; Wil Tirion (2007). Stars and Planets Guide. London: Collins. ISBN 978-0-00-725120-9. Princeton: Princeton University Press. ISBN 978-0-691-13556-4. {{cite book}}: Check |isbn= value: invalid character (pitulung)