Mayangsari

Mayangsari
Lair	Agustina Mayangsari (1971-08-23) Agustus 23, 1971 Purwokerto, Jawa Tengah, Indonesia
Bangsa	Indonesia
Pakaryan	Penyanyi, Artis
Bojo	Bambang Trihatmodjo (m.2005)
Anak	Khirani Siti Hartina Trihatmodjo

Mayangsari kang nduwéni nama jangkep Agustina Mayangsari (lair ing Purwokerto, Jawa Tengah, 23 Agustus 1971; umur 53 taun) ya iku artis lan penyanyi Indonesia kang misuwur kanthi tembang Harus Malam Ini, lan Tiada Lagi.

Saliyané nyanyi, Mayangsari uga nduwéni kaprigelan nyindhen. Mayangsari iku kagolong wong kang nduwéni keturunan seniman saka wong tuwané. Bapake Ki Dhalang Sugito Purbocarita, iku dhalang, déné ibune Larasatun, utawa kang misuwur kanthi jeneng Nyi Woro Cengkir Gading iku sindhen. Mayangsari kang misuwur ing taun 1990-an, nggawé pawarta kang ngagetake taun 2000-an Mayangsari digosipake cedhak karo putrane mantan Présidhèn RI Soeharto, Bambang Trihatmojo kang wis nduwé bojo Halimah Agustina Kamil. Banjur konangan yèn Mayangsari lan Bambang wis kawin siri lan nduwéni anak wédok, Khirani Siti Hartina Trihatmodjo.

Karier

Mayangsari misuwur wiwit ngetoke album kanthi irah-irahan Gairah ing taun 1990. Nanging album mau kurang payu ing pasaran. Banjur ing taun ngarepe Mayangsari ngetoke album kanthi irah-irahan Selamat Malam Cinta, lan laris ing pasaran. Banjur album Pinta (1992), Agenda (1993), Biarkan Saja (1994), Rasa Cintaku (1995), Beri Kesempatan (1996), Harus Malam Ini (1997), Tiada Lagi (1998), dan Kusalah Menilai (1999).

Nalika ana berita ngenani cedhaké karo Bambang, Mayangsari ngetoke album ka 13, Repackage (2005). Album mau isiné 12 tembang kang kang isiné 10 tembange jaman biyèn lan 2 tembang anyar. Lagu anyare digawé déning Bebi Romeo, "Kembali Mencintaimu" lan "Mengertilah" kang digawé Irwan Simanjuntak.

Kauripane

Carita karo Déwa Budjana

Mayang mèlu dadi tim pendhukung Golkar ing taun 1997. Ing taun iku pawarta ngenani cedhaké karo Bambang sumebar. Nanging ora suwé saka akèhé pawarta ngenani babagan iku, Mayang carita babagan carita uripé karo musisi band GIGI, Déwa Budjana. Ing Ijinkan (2000), Déwa Budjana ngaransemen kabèh tembang ing album mau.

Diskografi

• Gairah (1990)
• Selamat Malam Cinta (1991)
• Pinta (1992)
• Agenda (1993)
• Biarkan Saja (1994)
• Rasa Cintaku (1995)
• Beri Kesempatan (1996)
• Harus Malam Ini (1997)
• Tiada Lagi (1998)
• Kusalah Menilai (1999)
• Ijinkan (2000)
• Repackage (2005)

Iklan

• Kunyit Asam
• Adam Sari
• Heineken
• Hit

Pranala njaba

• (ing basa Indonésia) Profil ing situs KapanLagi.com.
• Artikel di RMblitz.com Archived 2013-05-23 at the Wayback Machine.