Florent Malouda

Florent Malouda
Informasi Pribadi
Jeneg Jangkep	Florent Johan Malouda
Tanggal lair	13 Juni 1980 (umur 44)
Papan lair	Cayenne, Guyana Prancis
Dhuwur	1.76 m (5 ft 9 1⁄2 in)
Posisi	Glandhang sayap
Informasi klub
Klub mangsa iki	Liga Ruslan
Nomer	15
Karier mangsa enom
	ASC Remiré
Karier mangsa tua*
Tim nasional‡
	Panampilan lan gol ing klub enom bisa dietung saka liga dhaerah dan akurat per 15.00, 13 Mèi 2012 (UTC).; ; ‡ Panampilan lan gol sak tim nasional akurat per 22.00, 5 Juni 2012 (UTC);

Florent Johan Malouda, (pocaping cara Prancis: [flɔʁɑ̃ maluda], lair ing Cayenne, Guyana Prancis, 13 Juni 1980; umur 44 taun) inggih punika satunggaling juru main bal-balan saka Perancis ingkang biyasa gadhah posisi glandhang sayap kiwa. Sapunika piyambakipun main kanggé Chelsea lan tim nasional Perancis.

Karier Klub

Châteauroux

Malouda minangka juru main bal-balan jalanan nalika remaja ing Guyana Perancis. Piyambakipun tipe juru main ingkang main kanthi tèhnik lan imajinatif kanggé mbrobos pertahanan lawan.

Pamados bakat saking klub bal-balan saking Paris, Châteauroux lajeng ngrèkut piyambakipun. Malouda nindakaken debut kanggé tim utama Châteauroux nalika umuripun taksih angka 16 taun wonten ing kompetisi Ligue 2 (Divisi 2 Liga Perancis).

Guingamp

Malouda lajeng kagabung kaliyan Guingamp sasampuning Châteauroux gagal tetep ing Ligue 1. Wonten ing sangandhaping asuhan pelatih Guy Lacombe, Malouda sesarengan kaliyan kanca satunggal timipun Didier Drogba nedahaken bakatipun minangka juru main kanthi akurasi umpan lan pamungkas peluan ingkang mumpuni.

Olympique Lyonnais

Lyon lajeng ngrèkut Malouda taun 2003. Sesarengan kaliyan Juninho, Michael Essien, lan Mahamadou Diarra, Malouda yasa lini tengah Lyon. Malouda lajeng dipundhawuhi kanggé mlebet ing tim nasional Perancis.

Wonten ing mangsa 2006–07 Malouda kasil mbekta Lyon dados juara Ligue 1 kanggé kaping 6 kanthi urut-urutan. Piyambakipun ugi kasil damel 10 gol lan dados Pemain Paling Apik mangsa mau.

Malouda nedahaken bilih piyambakipun badhé pindhah saking Lyon wonten ing akir mangsa 2006–07. Chelsea, Liverpooll lan Real Madrid kapèncut pèngin ngrawuhaken Malouda.

Chelsea

Wonten ing 9 Juli 2007, Malouda resmi kagabung kaliyan Chelsea kanthi aji transfer dipunlaporaken sakitar £13 juta kanggé masa kontrak tigang taun. Malouda lajeng migunakaken kostum nomer punggung 15.

Malouda nindakaken debut kanggé Chelsea nalika parté persahabatan pra-mangsa ngadhepi Club América. Piyambakipun damel gol penyeimbang lan maringi asist gol kemenangan ingkang dipundamel déning John Terry.

Wonten ing debut kompetitif Malouda kaliyan Chelsea kalangsungaken wonten ing parté Community Shield 2007 ngadhepi Manchester United. Tetandhingan pungkasan kanthi kawonipun Chelsea wonten ing adhu penalti, sasampuning imbang 1–1. Malouda damel 1 gol kanggé Chelsea wonten ing tetandhingan mau.

Malouda nindakaken debut ing Liga Primer Inggris nalika Chelsea ngadhepi Birmingham City tanggal 12 Agustus 2007. Piyambakipun main ing sayap kiwa, posisi ingkang sadèrèngipun dipunpapani déning Arjen Robben lan Joe Cole. Malouda damel gol kaping 2 wonten ing tetandhingan ingkang pungkasan kanthi kamenangan 3–2 kanggé Chelsea.

Malouda damel gol perdana nalika debut minangka juru main Chelsea wonten ing kompetisi Liga Champions UEFA nalika ngadjepi Schalke 04.

Wonten ing pungkasan mangsa perdananipun, Malouda total damel 2 gol lan satunggal asist ing Liga Primer. Kasil ingkang minim amargi piyambakipun dados pilihan angka 2 sasampuning Salomon Kalou lan gantosipun manajer Chelsea dhateng Avram Grant.

Wonten ing mangsa 2008–09, salah satunggaling penampilan paling apik Malouda inggih nalika kemenangan tandang Chelsea 3–1 saking Liverpool wonten ing parté perempat final Liga Champions UEFA. Malouda damel asist kanggé tigang gol ingkang dipundamel Branislav Ivanovic lan Didier Drogba.

Malouda damel salah satunggaling gol kemenangan 2–1 Chelsea versus Arsenal ing semifinal Piala FA wonten ing Wembley Stadium. ing final, Malouda damel asist kanggé Drogba ingkang damel gol penyeimbang, Chelsea menang 2–1 saking Everton.

Nalika 23 Juni 2009 Malouda napakasmani perpanjangan kontrak sadanguning sekawan taun kaliyan Chelsea. Rawuhipun Carlo Ancelotti minangka manajer énggal Chelsea maringi satunggal papan utama kanggé piyambakipun ing sisih kiwa formasi berlian ingkang dipun-ginakaken Ancelotti. Tanggal 3 November 2009, Malouda damel penampilan kaping 100 kaliyan Chelsea, wonten ing parté ngadhepi Atletico Madrid. Tanggal 25 Dhésèmber 2009, piyambakipun dipunmedalaken wasit saking lapangan sasampuning nindakaken pelanggaran dhateng Stephen Carr juru main Birmingham City.

Wonten ing parté wigati Liga Primer Inggris mangsa 2009–10, nalika Chelsea nagdhepi tuan rumah Manchester United, Malouda damel asist kanggé gol wigati Joe Cole. Chelsea menang 2–1 ing parté mau. Piyambakipun ugi damel gol ing parté semifinal Piala FA 2010, Chelsea menang 3–0 saking Aston Villa tanggal 10 April 2010. Malouda total 15 gol lan 15 asist sadanguning mangsa 2009–10 Liga Primer Inggris.

Wonten ing mangsa 2010–11, Malouda kondhang amargi karemenanipun nggantos gaya potongan rékma. Malouda dados top skor klub ing Liga Primer sasampuning damel 13 gol. Dumugi Mèi 2011, Malouda sampun damel 41 gol saking 179 penampilan kanggé Chelsea ing sadaya kompetisi.

Karier Internasional

Malouda nindakaken debut kanggé tim nasional Perancis tanggal 17 November 2004 ing parté Perancis vs Polen. Malouda lajeng pikantuk satunggal papan ing tim nasional. Piyambakipun damel gol perdana kanggé nagaranipun nalika Perancis ngadhepi Hungaria tanggal 31 Mèi 2005.

Malouda sampu damel 7 gol saking 71 penampilan kanggé Perancis.

Prestasi

Klub

Lyon

Ligue 1: 2003–04, 2004–05, 2005–06, 2006–07
Trophée des champions: 2003, 2004, 2005

Chelsea

Liga Primer: 2009–10
Piala FA: 2009, 2010, 2012
Community Shield: 2009
Liga Champions UEFA: 2011–12

Tim Nasional

Prancis

Runner-up Piala Donya FIFA 2006

Individual

Pemain Paling Apik Wulanan Liga Primer Inggris: Maret 2010
Pemain Paling Apik Chelsea versi Para Pemain: 2010

Jroning Angka

Klub

Klub	Mangsa	Liga			Piala Nasional		Piyala Liga		Bawana		Liyané		Gunggung
Klub	Mangsa	Dhivisi	Panampilan	Gol	Panampilan	Gol	Panampilan	Gol	Panampilan	Gol	Panampilan	Gol	Panampilan	Gol
Châteauroux	1996–97	Division 2	2	0	0	0	0	0	—		—		2	0
	1997–98	Division 1	1	0	0	0	0	0	—		—		1	0
	1998–99	Division 2	28	3	1	0	1	0	—		—		30	3
	1999–2000	Division 2	28	2	1	0	3	2	—		—		32	4
	Gunggung		59	5	2	0	4	2	—		—		65	7
Guingamp	2000–01	Division 1	23	1	0	0	1	0	—		—		24	1
	2001–02	Division 1	32	4	2	0	2	1	—		—		36	5
	2002–03	Ligue 1	36	10	2	0	2	2	—		—		40	12
	Total		91	15	4	0	5	3	—		—		100	18
Lyon	2003–04	Ligue 1	35	4	3	2	1	0	10	0	1	0	50	6
	2004–05	Ligue 1	37	5	3	0	0	0	10	3	1	0	51	8
	2005–06	Ligue 1	31	6	3	0	1	0	9	0	1	0	45	6
	2006–07	Ligue 1	35	10	2	0	3	1	7	2	0	0	47	13
	Gunggung		138	25	11	2	5	1	36	5	3	0	193	33
Chelsea	2007–08	Liga Primèr Inggris	21	2	2	0	3	0	11	1	1	1	38	4
	2008–09	Liga Primèr Inggris	31	6	4	1	2	1	10	1	—		47	9
	2009–10	Liga Primèr Inggris	33	12	6	2	3	1	8	0	1	0	51	15
	2010–11	Liga Primèr Inggris	38	13	2	0	0	0	9	1	1	0	50	14
	2011–12	Liga Primèr Inggris	26	2	5	1	3	0	8	0	—		42	3
	2012–13	Liga Primèr Inggris	0	0	0	0	0	0	0	0	0	0	0	0
	Gunggung		149	35	19	4	11	2	46	3	3	1	228	45
Trabzonspor	2013–14	Süper Lig	19	5	0	0	—		10	2	—		29	7
Metz	2014–15	Ligue 1	28	3	1	0	2	0	—		—		31	3
Delhi Dynamos	2015	Liga Super India	16	0	—		—		—		—		16	0
	2016	Liga Super India	16	3	—		—		—		—		16	3
	Gunggung		32	3	—		—		—		—		32	3
Wadi Degla (silih)	2015–16	Liga Super Mesir	16	3	2	0	—		—		—		18	3
FC Differdange 03	2017–18	Luxembourg National Division	8	0	1	0	—		—		—		9	0
Gunggung karir			540	94	40	6	27	8	92	10	6	1	705	119

Gol Internasional

Prancis
Taun	Panampilan	Gol
2004	1	0
2005	8	1
2006	16	2
2007	9	0
2008	10	0
2009	6	0
2010	12	2
2011	11	2
2012	7	2
Gunggung	80	9

Nagara

Gol	Papan	Surya	Mungsuh	Angka	Asil	Kompetisi
1.	31 Maèi 2005	Stade Saint-Symphorien, Metz, Prancis	Honggari	2–0	2–1	Kekancan
2.	27 Mèi 2006	Stade de France, Saint-Denis, Prancis	Mèksiko	1–0	1–0	Kekancan
3.	2 Sèptèmber 2006	Boris Paichadze Stadium, Tbilissi, Georgia	Géorgia	0–1	0–3	Kuwalifikasi Euro 2008
4.	22 Juni 2010	Free State Stadium, Bloemfontein, Afrika Kidul	Afrika Kidul	1–2	1–2	Piyala Donya 2010
5.	7 Sèptèmber 2010	Asim Ferhatović Hase Stadium, Sarajevo, Bosnia lan Herzegovina	Bosni lan Hérzégowina	0–2	0–2	Kuwalifikasi Euro 2012
6.	3 Juni 2011	Dinamo Stadium, Minsk, Belarus	Bélarus	1–1	1–1	Kuwalifikasi Euro 2012
7.	7 Oktober 2011	Stade de France, Saint-Denis, Prancis	Albani	1–0	3–0	Kuwalifikasi Euro 2012
8.	29 Fèbruari 2012	Weserstadion, Bremen, Jerman	Jerman	0–2	1–2	Kekancan
9.	31 Mèi 2012	Stade Auguste Delaune, Reims, Prancis	Sèrbi	2–0	2–0	Kekancan

Cathetan suku

↑ "Statistics". Premier League. Diarsip saka sing asli (PDF) ing 2012-02-18. Dibukak ing 2013-03-18.
↑ "Chelsea FC profile". Chelsea FC. 2008-07-16. Dibukak ing 2013-03-18.

Pranala njaba

Profil di situs web Chelsea
Profil di situs web Premier League Archived 2013-10-14 at the Wayback Machine.

Artikel pemain bal-balan iki minangka artikel rintisan. Kowé bisa ngéwangi Wikipédia ngembangaké.

[Statistics-1] "Statistics". Premier League. Diarsip saka sing asli (PDF) ing 2012-02-18. Dibukak ing 2013-03-18.

[Chelsea_FC_profile-2] "Chelsea FC profile". Chelsea FC. 2008-07-16. Dibukak ing 2013-03-18.

[1]

[2]