ꦥꦸꦗꦁꦒ
꧋ꦥꦸꦗꦁꦒꦲꦶꦏꦸꦮꦺꦴꦁꦏꦁꦥꦶꦤ꧀ꦠꦼꦂꦲꦶꦁꦧꦧꦒꦤ꧀ꦧꦱꦲꦸꦠꦮꦏꦱꦸꦱꦱ꧀ꦠꦿꦤ꧀꧈[1]ꦲꦸꦠꦮꦲꦸꦒꦥꦸꦗꦁꦒꦲꦶꦏꦸꦮꦺꦴꦁꦏꦁꦥꦶꦤ꧀ꦠꦼꦂꦔꦁꦒꦶꦠ꧀ꦲꦁꦒꦶꦠ꧀꧈ꦪꦲꦶꦏꦸꦔꦫꦁꦲꦸꦠꦮꦔꦿꦕꦶꦏ꧀꧈ꦏꦱꦸꦱꦱ꧀ꦠꦿꦤ꧀ꦲꦸꦠꦮꦧꦱꦲꦩꦂꦒꦲꦺꦴꦭꦺꦃꦮꦲꦾꦸ꧉[1]ꦥꦫꦥꦸꦗꦁꦒꦲꦶꦏꦸꦮꦶꦱ꧀ꦲꦤꦱꦏꦮꦶꦮꦶꦠꦤꦶꦁꦗꦩꦤ꧀꧈ꦲꦶꦁꦩꦺꦃꦏꦧꦺꦃꦧꦸꦢꦪ꧈ꦭꦤ꧀ꦔꦿꦶꦥ꧀ꦠꦏꦂꦪꦏꦂꦪꦱꦱ꧀ꦠꦿꦲꦮꦸꦗꦸꦢ꧀ꦥꦸꦮꦶꦱꦶ(ꦒꦼꦒꦸꦫꦶꦠꦤ꧀ꦲꦸꦠꦮꦠꦼꦩ꧀ꦧꦁ)ꦩꦮꦏ꧀ꦮꦭꦶꦠꦱ꧀ꦏꦁꦱꦺꦗꦺꦱꦺꦗꦺ꧉[2]
ꦌꦠꦶꦩꦺꦴꦭꦺꦴꦒꦶ
[besut | besut sumber]꧋ꦠꦼꦩ꧀ꦧꦸꦁꦥꦸꦗꦁꦒꦲꦶꦏꦸꦮ꦳ꦫꦶꦪꦤ꧀ꦱꦏꦠꦼꦩ꧀ꦧꦸꦁꦧꦸꦗꦁꦒ꧉[3]ꦲꦶꦁꦧꦱꦗꦮꦏꦸꦤ꧈ꦠꦼꦩ꧀ꦧꦸꦁꦧꦸꦗꦁꦒꦲꦶꦏꦶꦏꦠꦸꦭꦶꦱ꧀ꦨꦸꦗꦁꦒꦭꦤ꧀ꦏꦗꦸꦥꦸꦏ꧀ꦱꦏꦧꦱꦱꦁꦱ꧀ꦏꦿꦺꦠ꧉[4]ꦲꦶꦁꦗꦩꦤ꧀ꦗꦮꦏꦸꦤ꧈ꦨꦸꦗꦁꦒꦲꦶꦏꦶꦠꦼꦒꦼꦱ꧀ꦱꦺꦥꦫꦧꦿꦃꦩꦤꦲꦤꦺꦴꦩ꧀ꦲꦸꦠꦮꦱꦶꦱ꧀ꦮꦤꦺꦥꦫꦧꦿꦃꦩꦤ꧉[4]
ꦕꦶꦫꦶꦤꦺꦥꦸꦗꦁꦒ
[besut | besut sumber]꧋ꦥꦸꦗꦁꦒꦆꦏꦸꦏꦱꦶꦤꦸꦔꦤ꧀ꦏꦭꦶꦩ꧀ꦥꦣꦤ꧀ꦏꦁꦕꦕꦲꦺꦄꦤꦮꦺꦴꦭꦸ[5]ꦪꦆꦏꦸ:
- ꦥꦫꦩꦺꦁꦱꦱ꧀ꦠꦿꦪꦻꦏꦸꦄꦃꦭꦶꦆꦁꦧꦧꦒꦤ꧀ꦱꦱ꧀ꦠꦿ꧈ꦄꦃꦭꦶꦧꦱ
- ꦥꦫꦩꦺꦁꦏꦮꦶꦪꦻꦏꦸꦄꦃꦭꦶꦆꦁꦧꦧꦒꦤ꧀ꦉꦫꦶꦥ꧀ꦠꦤ꧀ꦄꦃꦭꦶꦔꦫꦁ꧉
- ꦄꦮꦶꦕꦫꦶꦠꦪꦻꦏꦸꦭꦶꦩ꧀ꦥꦣ꧀ꦆꦁꦣꦺꦴꦔꦺꦁꦈꦠꦮꦕꦫꦶꦠꦏꦁꦚꦼꦤꦼꦔꦏꦺ
- ꦩꦂꦣꦮꦭꦒꦸꦪꦻꦏꦸꦥꦶꦤ꧀ꦠꦺꦂꦧꦧ꧀ꦠꦼꦩ꧀ꦧꦁꦭꦤ꧀ꦒꦼꦤ꧀ꦝꦶꦁ꧉ꦩꦂꦣꦮꦠꦼꦒꦼꦱꦺꦄꦭꦸꦱ꧀꧈
- ꦩꦂꦣꦮꦧꦱꦪꦻꦏꦸꦄꦃꦭꦶꦧꦧ꧀ꦩꦶꦒꦸꦤꦏꦏꦺꦧꦱꦏꦁꦔꦿꦺꦱꦺꦥꦏꦺ꧈ꦏꦁꦗꦭꦫꦶꦠꦿꦼꦚꦸꦲꦶꦁꦄꦠꦶ꧈ꦏꦁꦩꦲꦤꦤꦶꦒꦸꦩ꧀ꦧꦶꦫ꧈ꦏꦁꦤꦼꦤꦔꦶꦱꦶꦃꦮꦶꦭꦱ꧈ꦭꦤ꧀ꦱꦥꦤꦸꦁꦒꦭꦤꦺ꧉
- ꦩꦤ꧀ꦝꦿꦒꦸꦤꦪꦻꦏꦸꦮꦱꦶꦱ꧀ꦧꦔꦼꦠ꧀ꦆꦁꦏꦒꦸꦤꦤ꧀꧈
- ꦤꦮꦸꦁꦏꦿꦶꦣꦪꦻꦏꦸꦄꦭꦸꦱ꧀ꦥꦔꦿꦱꦤꦺꦔꦤ꧀ꦠꦶꦧꦶꦱꦤꦁꦒꦥꦶꦏꦿꦼꦤ꧀ꦠꦼꦒꦶꦁꦄꦠꦶꦤꦺꦮꦺꦴꦁꦭꦶꦪ꧉
- ꦱꦩ꧀ꦧꦺꦒꦤꦪꦻꦏꦸꦈꦠꦩꦧꦔꦼꦠ꧀ꦈꦫꦶꦥꦺ꧉
ꦫꦺꦥ꦳ꦺꦫꦺꦤ꧀ꦱꦶ
[besut | besut sumber]- ↑ a b Kamus Basa Jawa (Kanisius 2001), léma pujangga
- ↑ Orban, Clara Elizabeth (1997). The Culture of Fragments: Word and Images in Futurism and Surrealism. Rodopi. kc. 3. ISBN 90-420-0111-9.
- ↑ Kamus Basa Jawa (Kanisius 2001), ing léma 'bujangga'.
- ↑ a b Kamus Jawa Kuna - Indonésia, (Gramedia 1995), ing léma bhujangga.
- ↑ S, Padmosoekatja (1958). Ngéngréngan Kasusastran Jawa. Ngayogyakarta: Hien Hoo Sing. kc. 13.