Fuglablóðögður
Fuglablóðögður (Schistosomatidae) eða blóðögður eru sníkjuormar með flókinn lífsferil. Á fullorðinstigi lifa fuglablóðögður inn í bláæðum fugla annað hvort við aftasta hluta meltingarvegar (iðraögður) eða í nefholi (nasaögður). Á lirfustigi er dýrið bifhærð lirfa (miracidia) sem borar sig inn í vatnasnigill og umbreytist í móðurgróhirslu sem framleiða mikið af dótturgróhirslum en í þeim verða til sundlirfur (ceracaria). Sundlirfurnar geta synt í einn til tvo daga og leitað um fugl sem er lokahýsill og komist inn í hann og umbreytast þá í ormlaga flökkustig (schistosomulae). Flatormurinn þroskast svo á nokkrum vikum í kynþroska blóðögðu.
Blóðögður sem lifa í fólki geta valdið alvarlegum sjúkdómum. Blóðögður spendýra tilheyra ættkvíslinni Schistotoma en fuglablóðögður eru flokkaðar í nokkrar ættkvíslir. Stærst þeirra er Trichobilharzia og eru tegundir innan hennar algengar í vatnafuglum eins og öndum, gæsum og álftum.
Tengt efni
[breyta | breyta frumkóða]Tengill
[breyta | breyta frumkóða]- Fuglablóðögður og sundmannakláði - Keldur Geymt 23 júlí 2019 í Wayback Machine