Winchester
Winchester esas urbo en la komtio Hampshire, en Anglia.
Dum la periodo di la Romana Imperio ol havis la nomo Venta Belgarum.
De la sepesma yarcento, nomizita Wintan-ceastre, ol esis importanta urbo. Ol esis la precipua urbo di notinda rejulo di Wessex, Alfred la Granda (849 til 899).
Ol duris kom importanta urbo di reji di Anglia dum la frua Mezepoko.
La Katedralo di Winchester, un ek la maxim granda katedrali en Anglia, originale konstruktesis de 1079, proxim la loko di plu frua katedralo fondita en 642.