Historio di Monako
L'aborijena populo qua vivis en Monako ed en la nord-esto di Italia esis la Liguri. L'urbo Monako probable fondesis dal Feniciani. Lua nomo posible devenas del Greka vorto monoikos, signfikante 'singla domo', od anke de 'monako' (religioza viro). Sur la roko di Monako jacis templo ube veneracesis la deo Herkulo, inter 7ma-6ma yarcenti aK.
Monako rifondesis en 1215, kom kolonio di la Republiko di Genova. En 1297 la familio Grimaldi asumis la kontrolo di Monako, e de 1419 til nun ol konservabas povo en la teritorio.
En 1869 la princo Albert la 1ma abolisis l'imposto pri revenuo por Monakana civitani e por stranjeri qui vivis ibe, danko a la alta revenui obtenita de la kazino. To transformis monako en paradizo por la richa.
Til 1910 lando esis absoluta monarkio. Ta yaro eventis revoluciono qua forcis l'adopto di konstituco. En 1918 lando signatis pakto kun Francia pri la protekto di lua teritorio.
En 1943 Italiani invadis Monako, ma kun la krulo di la rejimo fashista, naziisti invadis lando, e komencis deportar judi vers koncentreyi. René Blum, qua fondis l'Opero-baleto di Monako sendesis ad Auschwitz ube ilu mortigesis. Monako restis okupita dal Naziisti til la liberigo di Francia.
En 1962 nova konstituco abolisis mortopuniso. En 1993 Monako divenis membrostato di Unionita Nacioni ed, en 2002, ol adoptis l'Euro kom monetaro.
|
Historio di Europa |
|---|---|
| Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Malta | Moldova | Monako | Montenegro | Nederlando | Norda Makedonia | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukraina | Unionita Rejio | Vatikano | |