Duesma batalio di Naktong
| Duesma batalio di Naktong | |||
| |||
| Soldati del 9ma Infantrio-Regimento vartas enemiki proxim fluvio Naktong. | |||
| Konflikto: | milito di Korea | ||
| Dato: | 1ma til la 15ma di septembro 1950 | ||
| Loko: | fluvio Naktong, Sud-Korea | ||
| Rezulto: | vinko dil Unionita Nacioni | ||
| Unionita Nacioni Usa Sud-Korea |
↔ | Nord-Korea | |
| Laurence B. Keiser Edward A. Craig |
↔ | Lee Ch'ong Song Pak Kyo Sam Lee Kwon Mu Kim Tae Hong | |
| 21 788 | ↔ | 28 350 | |
| granda | ↔ | granda | |
La duesma batalio di Naktong esis batalio inter trupi dil Unionita Nacioni (UN) e trupi di Nord-Korea dum la komenco di la milito di Korea, ed eventis de la 1ma til la 15ma di septembro 1950 apud fluvio Naktong en Sud-Korea. Ol esis parto di tale nomizita "batalio por la perimetro di Busan", ed esis un ek la diversa konfronti eventinta samatempi en la regiono. La batalio vinkesis dal Unionita Nacioni pos ke granda quanto di trupi Usana repulsis fort atako del Popul-Armeo di Korea (KPA).
Pos l'unesma batalio di Naktong, la 2ma Infantrio-diviziono Usana traslojis su por defensar la lineo dil fluvio Naktong. La diviziono, qua ne partoprenis kombati ante, subisis intensa atako da multa divizioni di KPA, qui trairis la fluvio ed atakis alonge la lineo di la diviziono. L'atakeri dividis la 2ma Infantrio-diviziono em du grupi, e KPA sucesis enirar Yongsan, e komencis kombatar ibe.
Pro l'urjanteso di la minaco a la perimetro di Busan hizo, l'1ma Infantrio-brigado dil Usana Mar-armeo, qua engajesis por rinforcar la trupi dil Usan Armeo sucesis ekpulsar la trupi dil KPA pos du semani di intensa kombati en la regiono di Naktong Bulge. KPA subisis flankal atako pos la desembarki en Inchon ye la 15ma di septembro, ed ye la 16ma di septembro la trupi dil Unionita Nacioni komencis avancar de la perimetro di Busan, pos l'ekpulso dil KPA de la zono.