Butro-lakto

Butro-lakto esas graso-povra, acida e drinkebla laktajo.

Produkto

De anciena epoki butro-lakto produktesas per l'agitado de acideskinta lakto. On pulsas per bastono adinfre-adsupre l'acideskinta kremo en alta kuvo, l'agito-kuvo. Dum ca procedo la lakto-graso peceteskas pro ke la graso-membrani ruptas e flotacas kom butro sur la butro-lakto. La butro esas deprenata. La restinta acida fluido esas drinkata kom butro-lakto. Prezente preske omna butro-lakto esas produktata en laktajiferii. A sengrasa lakto laktacido-bakterii esas juntata, per to la laktoso esas chanjata a laktacido. Biologial-dinamala butro-lakto (obtenebla en naturala nutrivo-butiki) ankore esas produktata anciena-mode. Laktajiferii adjuntas sukro por mildigar l'acida gusto di butro-lakto, fakte por min acidigar ol.

Apliko

Ca drinkajo esas tre apreciata da Nederlandani, precipue dum la somero. Anke Germani aprecias butro-lakto, quin li konocas kom Buttermilch. En Belgia la drinkajo anke vendesas, ma ol ne esas tam populara kam en Nederlando. Kelki procedas butro-lakto en pad-kuki, quale en Usa. Anciena-moda Nederlandana desero esas paplo butro-laktala: boliita butro-lakto kun farino (od altra ingrediento) ed ofte dolcigita per siropo.

En Flandria ol anke manjesas kom chefa repasto, remplasanta supo. Ol anke aparas en chefa repasto: terpomi kun butro-lakto e mole boliita ovi kun onyoni stufita en butro. Variajo esas Totjespap, existanta de pureigita terpomi kun butro-lakto e brunigita butro kun supre fritita ovo.

Anke Hangop ofte facesas de butro-lakto. En Francia ol drinkesas kun siropo de frukti. En Afganistan ed Iran butro-lakto mixesas kun spici e servesas kom extra dishi, nomizita doegh. Turka variajo de butro-lakto esas Ayran (quankam to ne esas butro-lakto, ma yogurto dilutita en aquo) quo ofte servesas en döner-vendeyi.

Strii en vakua glaso di butro-lakto

Strii qui existas pos pardrinkir glaso de butro-lakto, efektigesas pro la kompozeso di butro-lakto. Butro-lakto existas de aquo, proteino, sali e lakt-acido. La lakt-acido acesas la proteino-participi tale ke en butro-lakto oli kunglutineskas a plu granda participi kam en lakto, ya til milople plu granda. Pos certa tempo ca proteino-participi dekantas pro la gravitado.