Jump to content

Sigmund Freud

Urnosen dagiti silpo
Manipud iti Wikipedia, ti nawaya nga ensiklopedia
Sigmund Freud
Ni Sigmund Freud, babaen ni Max Halberstadt, 1921
NayanakSigismund Schlomo Freud
(1856-05-06)6 Mayo 1856
Freiberg in Mähren, Moravia (tattan ket paset iti Republika a Tseka), Imperio ti Austria
Natay23 Septiembre 1939(1939-09-23) (tawen 83)
Londres, Inglatera, Nagkaykaysa a Pagarian
PagtaenganAustria
PakipagilianAustriano
Alma materUnibersidad ti Vienna
Nakaam-ammuanSikoanalisis
Dagiti gunggunaPremio Goethe
Ganganaet a Kameng iti Naarian a Kagimongan (Londres)[1]
Sientipiko a pagsapulan
Dagiti pagobraanNeurolohia
Sikoterapia
Sikoanalisis
Dagiti patakderUnibersidad iti Vienna
NakaimpluensianAristotle, Brentano, Breuer, Charcot, Darwin, Dostoyevsky, Fliess, Goethe, Haeckel, Hartmann, Jackson, Jacobsen, Kant, Mayer, Nietzsche, Plato, Schopenhauer, Shakespeare, Sophocles
NaimpluensiaanEugen Bleuler, John Bowlby, Viktor Frankl, Anna Freud, Erich Fromm, Otto Gross, Karen Horney, Arthur Janov, Ernest Jones, Carl Jung, Melanie Klein, Jacques Lacan, Fritz Perls, Otto Rank, Wilhelm Reich
Pirma
[urnosen iti Wikidata]

Ni Sigmund Freud (Panangibalikas nga Aleman: [ˈziːkmʊnt ˈfʁɔʏt]), nayanak a kas ni Sigismund Schlomo Freud (6 Mayo 1856 – 23 Septiembre 1939), ket maysa idi nga Austriano a neurologo a nagbalin nga ammo a kas ti nangibangon iti sikoanalisis.

Dagiti nagannak kaniana ket napanglawda, ngem pinasiguradoda isuna a makaadal. A kas maysa nga estudiante isu ket nagay-ayat iti pilosopia ken linteg, isu ket imbes met a simrrek iti medisina, a nagal-ala kadagiti panagsukisok iti serebral a panagsalungayngay, apasia ken mikroskopiko a neuroanatomia. Isu ket nagparang-ay kadagiti teoria a maipanggep iti napleng nga isip ken ti mekanismo ti panagmedmed, ken nangibangon ti paset ti maisao a sikoterapia babaen ti panagpartuat ti sikoanalisis, ti maysa a kliniko a pamay-an para iti panangagas ti sikopatolohia babaen ti panagsarsarita a nagbaetan ti pasiente (wenno "analisando") ken sikoanalista. Ngem ti sikoanalisis ket naapdayen a kas ti terapeutiko a panagkasanay, daytoy ket timmulong iti panagregget ti panagrang-ay kadagiti adu a porma ti sikoterapia, nga adda dagiti timmaud kadagiti kasisigud a kapanunotan ken arngian ni Freud.[2]

Biograpia

[urnosen | urnosen ti taudan]

Nasapa a biag ken edukasion

[urnosen | urnosen ti taudan]

Ni Freud ket nayanak idi iti Hudio a Galiciano a nagannak idiay ili ti Moravia ti Příbor (Aleman: Freiberg in Mähren), ti Imperio ti Austria, nga itan ket paset ti Republika a Tseka, ti immuna kadagiti walo nga annakda.[3] Ti amana, ni Jakob Freud (1815–1896), ti agtagtagilako ti dutdot, ket addaan iti dua nga annak a lallaki, ni Emanuel (1833–1914) ken ni Philipp (1836–1911), manipd iti immuna a pannakiasawana. Dagiti pamilia ni Jakob ket Hasidiko a HUdio, ken urayno ni Jakob ket pimmanawen manipud iti tradision, isu ket naam-ammuan para iti panagadal ti Torah. Isu ken ti ina ni Freud, ni Amalia (nakaiyanakan a nagan iti Nathansohn), 20 a tawtawen nga ub-ubing ngem ti asawana ken ti maikatlo nga asawana, ket inkasar idi babaen ni Rabino Isaac Noah Mannheimer idi 29 Hulio 1855.[4] Isuda ket napanglaw ken nagnanaed iti naipayupa a kuarto, iti balay ti serradura idiay Schlossergasse 117 idi naipasngay ti anakda a lalaki a ni Sigmund.[5] isu ket naipasngay nga addaan iti kaput iti ulo, a nakita met babaen ti inana a kas positibo a senial para iti masakbayan ti ubing a lalaki.[6]

Idi 1859, pinanawan ti pamilia Freud ti Freiberg. ti gudua a kabagis a lalaki ni Freud ket napan idiay Manchester, Inglatera, ken simmina kanianan manipud iti “di maisina” a kaay-ayam iti nasapa a kinaubingna, ti anak a lalaki ni Emanuel, a ni John.[7] Immuna met nga inpan ni Jacob Freud ti asawana ken dua nga annakna (kabsat a babai ni Freud, ni Anna, ket naipasngay idi 1858; ti kabsat a lalaki, ni Julius, ket pimmusay idi maladaga) idiay Leipzig ken kalpasanna idi 1860 idiay Vienna nga idiay ti nakayanakan dagiti kabsatna babbai (Rosa, Marie, Adolfine ken Paula) ken kabsatna a lalaki (Alexander). Idi 1865, ti agtawen ti siam a Freud ket simrek iti Leopoldstädter Kommunal-Realgymnasium, ti prominente a nangato a pagadalan. Isu ket nasirib met nga estudiante ken nagturpos a napammadayawan manipud iti Matura idi 1873. Isu ket nagay-ayat iti literatura ken nalaing idi nga agsao iti Aleman, Pranses, Italiano, Espaniol, Ingles, Hebreo, Latin ken Griego.[8] Ni Freud ket nagbasbasa iti William Shakespeare iti Ingles iti amin a paset ti kabibiagna, ken naisingsingasingen a ti pannakaawatna iti sikolohia iti tao ket naala manipud kadagiti drama ni Shakespeare.[9]

Ni Freud ket simrek iti Unibersidad ti Vienna idi agtawen ti 17. Isu ket nagplano nga agadal iti linteg, ngem timmipon met iti pakultad ti medisina iti unibersidad, nga isay ket nagad-adal iti pilosopia babaen ni Franz Brentano, sikolohia babaen ni Ernst Brücke, ken soolohia babaen ti Darwinista a propesor a ni Carl Claus.[10] Idi 1876 ni Freud ket nagyan iti uppat a lawas iti estasion ti soolohia a pagsukisokan ni Claus idiay Trieste, ken nagrangrangkay kadagiti ginasut nga igat iti maysa a saan nga inkonklusibo a panagsukisok para kadagiti lalaki a reproduktiboda nga organo. Isu ket nagturpos nga addaan iti MD idi 1881.

Nasapa a pagsapulan ken pannakiasawa

[urnosen | urnosen ti taudan]

Idi 1882, ni Freud ket inrugina ti medikal a karerna idiay Vienna General Hospital. Ti obrana iti panagsukisok iti serebral nga anatomia ket nakaiturongan ti pannakaipablaak iti seminal a papel iti nakaro nga epekto ti kokaina idi 1884 ken ti obrana iti apasia ket mangpormanto ti batayan iti umuna a librona iti Kadagiti Apasias:ti Krtikal a Panagadal, a naipablaak iti 1891. Kadagiti sunurok a tallo a tawen a paset ti panawen ni Freud ket nagtrabaho kadagiti nadumaduma a departamento iti ospital. Isu ket nagyan iti kliniko ti sikiatria ni Theodor Meynert a kas kasukat iti lokal a taklin ket nakaiturongan iti maysa nga immadu a pannakainteresado iti klinikal nga trabaho. Ti kaadu dagiti inpablaakna a panagsukisok ket nakaiturongan iti pannakaitudokna iti Unibersidad a kas leturadao iti neuropatolohia idi 1885.[11]

Idi 1886, ni Freud ket nagikkat iti puestona iti ospital ket simrek iti pribado a panagsanay ken nagespesialisado kadagiti "kirokiro ti nerbios". Ti isu met laeng a tawen inasawana ni Martha Bernays, ti apo a babai ni Isaac Bernays, ti hepe a rabina idiay Hamburg. Ti agassawa ket addaanda kadagiti innem nga annak: ni Mathilde, nayanak idi 1887; ni Jean-Martin, nayanak idi 1889; ni Oliver, nayanak idi 1891; ni Ernst, nayanak idi 1892; ni Sophie, nayanak idi 1893; ken ni Anna, nayanak idi 1895.

Dagiti nagibasaran

[urnosen | urnosen ti taudan]
  1. ^ Tansley, A. G. (1941). "Sigmund Freud. 1856–1939". Obituary Notices of Fellows of the Royal Society. 3 (9): 246–226. doi:10.1098/rsbm.1941.0002. JSTOR 768889&lrm.
  2. ^ Para iti panakaapday ti sikoalalisis, kitaen ti Kovel, Joel. Ti Kompleto a Pagsurotan ti Terapia: Manipud ti Sikoanalisis aginggana ti Panagbalbaliw ti Panagkukua. Penguin Books, 1991 (immuna anaipablaak idi 1976), pp. 96
  3. ^ Gresser 1994, p. 225.
  4. ^ Emanuel Rice (1990). Freud and Moses: The Long Journey Home. SUNY Press. p. 55. ISBN 0-7914-0453-6.
  5. ^ Gay 2006, pp. 4–8; Clark 1980, p. 4
  6. ^ Deborah P. Margolis, M.A. "Margolis 1989". Pep-web.org. Naala idi 17 Enero 2014.
  7. ^ Jones, Ernest (1964) Sigmund Freud: Life and Work. Edited and abridged by Lionel Trilling and Stephen Marcus. Harmondsworth: Penguin Books p. 37
  8. ^ Hothersall 2004, p. 276.
  9. ^ Bloom 1994, p. 346
  10. ^ Hothersall 1995
  11. ^ Gay 2006, p. 42-47

Dagiti akinruar a silpo

[urnosen | urnosen ti taudan]

Dagiti midia a mainaig ken ni Sigmund Freud iti Wikimedia Commons

Naala manipud iti "https://ilo.wikipedia.org/w/index.php?title=Sigmund_Freud&oldid=366902"