Salvador Dalí
Salvador Domingo Felipe Jacinto Dalí i Domènech, 1me Marquis de Púbol (Figueres, Catalonia, Espania, le 11 de maio 1904 – Figueres, le 23 de januario 1989) esseva un pictor surrealista espaniol catalan nascite in Figueres. Ille esseva un designator technic capace, cognoscite pro le imagines saliente e bizarre in su obras surrealista. Su habilitates como pictor es frequentemente attribuite al influentia del maestros del Renascentia. Su obra le plus cognoscite, Le persistentia del memoria, esseva finite in 1931. Le repertorio artistic de Dalí includeva film, sculptura, e photographia, e ille collaborava con diverse artistas in un varietate de medios.
Dalí attribueva su "amor de toto que es aurate e excessive, mi passion pro luxo e mi amor pro vestimentos oriental" a su pretense "lineage arabe", asserente que su ancestres descendeva del arabes espaniol.
Dalí esseva multo imaginative e habeva un affinitate pro comportar se in un maniera insolite e grandiose, pro attraher le attention a se. Isto a vices vexava les qui amava su arte tanto como isto enoiava su criticos, proque su maniera eccentric a vices attraheva plus de attention public que su obras artistic.
 |
Wikimedia Commons ha files multimedia de: Salvador Dalí |
