AXXo
| AXXo | |
|---|---|
| Ծնվել է | 20-րդ դար |
| Ծննդավայր | անհայտ |
| Մահացել է | ոչ վաղ քան 2009 |
| Քաղաքացիություն | անհայտ |
| Կրթություն | անհայտ |
| Մասնագիտություն | security hacker |
| Կայք | cb01.site |
aXXo, համացանցային կեղծանուն այն անձի համար, ով 2005-2009 թվականներին համացանցում անվճար ներբեռնման համար թողարկել և ստանդարտացրել է կոմերցիոն ֆիլմերի DVD սկավառակներ[1][2]։ Սովորաբար նիշքերը նոր ֆիլմեր են, որոնք լայն տարածում ունեն Peer-to-Peer (P2P) նիշքերի փոխանցման արձանագրություն (օրինակ՝ BitTorrent- ը) ունեցող նիշքերի փոխանակման համայնքում։ Ներբեռնման հետևող BigChampagne ընկերությունը 2008 թվականի վերջին, նմուշառման ժամանակահատվածում բացահայտել է, որ բոլոր ֆիլմերի ներբեռնումների գրեթե 33.5% -ը aXXo տորրենտներ են եղել[3]։ aXXo կոդավորված նիշքերի չափը մոտավորապես 700 ՄԲ է, նույն չափը նաև CD-ի համար է[3]։ aXXo նիշքի վերակոդավորված որակի պատճառով «aXXo» ածանցը հաճախ օգտագործվում էր ընդօրինակողների կողմից[3]։
Պատմություն
[խմբագրել | խմբագրել կոդը]aXXo-ն առաջին անգամ հայտնվեց 2005 թվականի նոյեմբերին «Darkside_RG» հաղորդագրությունների տախտակին[4]։ 2007 թվականի նոյեմբերին aXXo-ն հեռացրել է 2006 թվականի սեպտեմբերի 7-ից հետո թողարկված իր բոլոր նիշքերը The Pirate Bay- ից՝ բողոքելով, որ կայքը «հնարավոր MPAA անդամների կողմից» թույլ է տալիս վիրավորական մեկնաբանություններ ավելացնել իր տորրենտներին[2]։ aXXo-ն նոր նիշքերի ներբեռնումը դադարեցրել է 2007 թվականի նոյեմբերի 11-ին[1][2], բայց նախորդ aXXo տորրենտները հասանելի են եղել այլ տորրենտ-կայքերում։ Քառամսյա բացակայությունից հետո aXXo- ն վերադարձել է ներբեռնումներին՝ 2008 թվականի մարտի 9-ին, I Am Legend ֆիլմով[1]։
2008 թվականի դեկտեմբերի 15-ին Darkside Release Group համացանցային ֆորումում հայտնվել է aXXo ֆիլմի՝ Kiefer Sutherland-ի Mirrors սարսափ ֆիլմի կրկնօրինակի, հազարերորդ ներբեռնումը։
Punisher: War Zone- ը թողարկելուց հետո, 2009 թվական, մարտի 11, aXXo-ն դադարեց նոր նիշքերի բեռնումը։ Նա որոշ ժամանակով մուտք է գործել Մինինովա, մինչև միայն անվճար տարածվող տորրենտների կամ հեղինակային իրավունքով չպաշտպանված տորրենտների հոսթինգի անցում կատարելը։
2009 թվականի ապրիլի 19-ին aXXo-ն իր վերջին հայտնի մեկնաբանությունն է արել «Darkside_RG» հաղորդագրությունների տախտակին՝ ի պատասխան այն խոսակցությունների, որ նա դադարել է գրառումներ տեղադրել Darkside_RG-ում։ Նա հայտարարել է.
|
Կարող եմ միայն մեծ շնորհակալություն հայտնել ձեր գնահատանքի համար, հուսով եմ, որ դուք բոլորդ հնարավորինս կվայելեք Darkside-ը։ Իմ տունն իմ ամենասիրելի Darkside-ն է, և ինչպես նախկինում բազմիցս ասել եմ իմ յուրաքանչյուր տորրենտի վրա՝ տեղյակ եղեք կեղծ կայքերից և լամերներից, կհանդիպենք[5]։ | 
|
Ձևաչափի տեղեկատվություն
[խմբագրել | խմբագրել կոդը]aXXo-ն կոմերցիոն DVD ֆիլմերը փոխակերպել է մոտավորապես 700 ՄԲ .avi-նիշքերի, որոնք օգտագործվել են .torrent-նիշքեր ստեղծելու համար, որոնք այնուհետև վերբեռնվել են Bittorrent Trackers-ում, ինչը թույլ է տվել ներբեռնել ֆիլմը[6]։ Նիշքերի փոխանակման վեբ կայքերում aXXo նիշքերը մեծ թվով հետևորդներ են հավաքել, ավելի քան մեկ միլիոն օգտվող ամեն ամիս բեռնել է aXXo նիշքեր[7]։ aXXo- ի կողմից թողարկված նիշքերը հետևել են «Name.Of.Movie [year] DvDrip [Eng] -aXXo.avi» անվանումների մասին պայմանագրին[8], որտեղ «DvDrip [Eng]»-ը ենթադրել է, որ այն պատճենվել է անգլալեզու սկավառակից, իսկ «avi»-ն վերաբերել է նիշքի ձևաչափին։ Տեսանյութը կոդավորվել է MPEG-4 ASP ստանդարտի համաձայն, որը համատեղելի է Xvid կոդեկի հետ։ aXXo գրառումները պարունակել են նաև .nfo-նիշք ֆիլմի մասին և կցվել է տեքստային նիշք, որում մասնավորապես նշվել է․«Եղեք տեղեկացված կեղծ կայքերից և լեյմերներից, ներբեռնեք ձեր aXXo նիշքերը aXXo հաշիվներից։ Վայելեք»։
Ինքնություն
[խմբագրել | խմբագրել կոդը]Ենթադրյալ հարցազրույցի ժամանակ, անձը, որը պնդել է, որ ինքը aXXo է, իրեն նկարագրել է որպես պատանի տարիքից DVD սկավառակներ պատճենող մարդ[1][7]։
Ընդօրինակողներ
[խմբագրել | խմբագրել կոդը]Նիշքերի փոխանակման ենթամշակույթում տարածված լինելու պատճառով aXXo կեղծանունը տարբեր մարդկանց և խմբերի կողմից օգտագործվել է աղբյուրի ինքնությունը կեղծելու համար` նիշքերի փոխանակման վեբ կայքերում սեփական վերբեռնումները քողարկելու համար։ Այս թակարդներից մի քանիսը տրամադրվել են հեղինակային իրավունքի պաշտպանության մի շարք ընկերությունների կողմից, ինչպիսիք են BayTSP-ը, MediaDefender-ը, կամ MediaSentry-ը՝ շահույթ ստանալու նպատակով դատական հետապնդման համար։ Այս կեղծ նիշքերը կամ նիշքերի խմբերը սովորաբար պարունակել են անօգուտ կամ պոտենցիալ վնասակար տվյալներ։ Չարամիտ կեղծված նիշքի տեսակը ներառում է RAR նիշքեր, որոնցից օգտվողները պահանջում են ներբեռնել կոդեկի կերպարանքով քողարկված տրոյան (համակարգչային վիրուս)՝ համապատասխան AVI նիշքերը դիտելու համար։ Այլ կեղծ նիշքեր խրախուսում են օգտվողներին գրանցվել կասկածելի կայքերում կամ օգտվողներից պահանջում են տեղադրել DomPlayer ծրագրակազմ։ Կեղծ նիշքերը կարող են պարունակել նաև չարամիտ ծրագիր՝ օգտագործողի համակարգչի IP հասցեն մասնավոր սերվերին ուղարկելու հնարավորությամբ[8][9]։ Տարիներ շարունակ aXXo- ն իր տորենտներին ուղեկցող .nfo-նիշքերում բաժանորդներին զգուշացրել է «զգուշանալ կեղծ կայքերից և լամերներից»[10]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Rajiv. M (2008 թ․ մայիսի 29). «The Axxo effect». Արխիվացված է օրիգինալից 2008 թ․ սեպտեմբերի 20-ին. Վերցված է 2008 թ․ սեպտեմբերի 7-ին.
- ↑ 2,0 2,1 2,2 enigmax (2007 թ․ նոյեմբերի 7). «Alleged MPAA Harassment Causes aXXo / Pirate Bay Rift». Արխիվացված օրիգինալից 2008 թ․ սեպտեմբերի 15-ին. Վերցված է 2008 թ․ օգոստոսի 22-ին.
- ↑ 3,0 3,1 3,2 Levin, Josh (2008 թ․ նոյեմբերի 12). «AXXo You Are a God». Վերցված է 2008 թ․ նոյեմբերի 20-ին.
- ↑ Walker, Tim (2008 թ․ դեկտեմբերի 29). «Scene stealer: The aXXo file». Արխիվացված օրիգինալից 2009 թ․ ապրիլի 18-ին. Վերցված է 2009 թ․ ապրիլի 24-ին.
- ↑ «Darkside_RG > Community Forums > General Discussions». Darkside Forum. 2009 թ․ ապրիլի 19. Արխիվացված է օրիգինալից 2010 թ․ հունվարի 26-ին. Վերցված է 2009 թ․ դեկտեմբերի 16-ին.
- ↑ Cincotta, Katie (2007 թ․ հուլիսի 12). «Going for a song». Վերցված է 2008 թ․ հունվարի 13-ին.
- ↑ 7,0 7,1 Ernesto (2007 թ․ մարտի 11). «Interview: aXXo, The Most Popular DVD Ripper on BitTorrent». Արխիվացված օրիգինալից 2008 թ․ հունվարի 13-ին. Վերցված է 2008 թ․ հունվարի 13-ին.
- ↑ 8,0 8,1 enigmax (2007 թ․ ապրիլի 28). «aXXo Torrents Exploited by Malware Peddlers». Արխիվացված օրիգինալից 2008 թ․ հունվարի 13-ին. Վերցված է 2008 թ․ հունվարի 13-ին.
- ↑ Ümit Öncel (2007 թ․ մարտի 16). «Torrent'te sahte aXXo dosyaları furyası...» (թուրքերեն). Chip Online. Վերցված է 2009 թ․ հունիսի 4-ին.
- ↑ Ernesto (2009 թ․ հունիսի 8). «Fake aXXo Lures Users to Private Torrent Site». Արխիվացված օրիգինալից 2010 թ․ փետրվարի 1-ին. Վերցված է 2010 թ․ մարտի 17-ին.