Սոն Յու
Սոն Յու | |
|---|---|
| Ծնվել է | մ. թ. ա. 298 |
| Ծննդավայր | Յիչեն, Չինաստան |
| Վախճանվել է | մ. թ. ա. 222 |
| Մասնագիտություն | բանաստեղծ |
| Լեզու | չինարեն |
| Ազգություն | չինացի |
| Քաղաքացիություն | Chu |
| Ուշագրավ աշխատանքներ | Dengtu zi lustful poem? |
Սոն Յու (չինարեն՝ 宋玉, մ. թ. ա. 298, Յիչեն, Չինաստան - մ. թ. ա. 222), Պատերազմող պետությունների ուշ շրջանի չինացի բանաստեղծ, հայտնի է որպես Չուչիի մի շարք բանաստեղծությունների ավանդական հեղինակ։ Սոն Յուին սովորաբար վերագրվող «Չուի հատվածներ» շարքից բանաստեղծություններից են «Ջիու Բիան» բաժնում գտնվողները։ Նաև Սոն Յուին վերագրվում են մի քանի «ֆու»՝ հավաքված 6-րդ դարի «Վեն Սյուան» գրական անթոլոգիայում[1]։
Կենսագրություն
[խմբագրել | խմբագրել կոդը]Սոն Յուի մասին կենսագրական տեղեկատվությունը ավելի շատ անեկդոտային է, քան իսկապես պատմական[2], և Սոնի կյանքի մասին քիչ հավաստի տեղեկություններ կան[3]։ Պատմական աղբյուրները համաձայն են, որ Սոնը Չու նահանգից էր և ծնվել է Յան քաղաքում (ժամանակակից Յիչեն, Հուբեյ նահանգ) և ապրել է Չուի թագավոր Սյանի օրոք (մոտ 298–263 մ.թ.ա.)[4]։
Աշխատանքներ
[խմբագրել | խմբագրել կոդը]Համաձայն «Հանի գրքի» գրականությունն ու արվեստը ընդգրկող բաժնի՝ Սոնը գրել է 16 ստեղծագործություն, բայց դրանցից միայն 14-ն է փոխանցվել սերունդներին, օրինակ՝ «Ջիու Բիան» և «Դենգթուզի Հաոսե Ֆու» (չինարեն՝ 登徒子好色赋): Այնուամենայնիվ, բացառությամբ «Ջիու Բիանի» անորոշ է, արդյոք այս գործերը իրականում գրվել են Սոնի կողմից թե ոչ։ «Չու Սի» հայտնի անթոլոգ և մեկնաբան Վան Յին նույնպես «Ժաո Հուն» (Հոգու կանչը) վերագրում է Սոն Յուին[5]։ Որպես ցիֆու-ի գրող, Սոնը Ցյու Յուենի կատարյալ իրավահաջորդն էր իր յուրօրինակ ոճով։ Սոն Յուին վերագրվող «ֆու» բանաստեղծություններում Վեն Սյուանի գրական անթոլոգիայում, որը կազմվել է Սյաո Տոնի կողմից (501–531), բանաստեղծությունները հայտնվում են Սոն Յուի և Չուի թագավոր Սյանի միջև ենթադրյալ երկխոսության համատեքստում, որում թագավորը «ֆու» է խնդրում որոշակի թեմայի շուրջ[2]։ Սոնի անունը վաղուց դրվել է Ցյու Յուինի անվան հետ որպես «Ցյու-Սոն»։ Սոն Յուի հիմնական ներդրումը դասական չինական պոեզիայի մեջ կարելի է համարել բնության թեմայի զարգացումը` ներհատուկ պաթոսի հետ մեկտեղ[5]։ Բացի նրանից, որ գալիք դարերում չինացի բանաստեղծների համար հարուստ աղբյուր են վկայում, շատ չինական արտահայտություններ, որոնք դեռ լայնորեն օգտագործվում են այսօր, կարելի է գտնել նրա բանաստեղծություններում։
Ծանոթագրություններ
[խմբագրել | խմբագրել կոդը]- ↑ Hawkes, 207-8
- ↑ 2,0 2,1 Hawkes, 207–208
- ↑ Knechtges (2014), էջ. 1007.
- ↑ Knechtges (2014), էջ. 1008.
- ↑ 5,0 5,1 Hawkes, 208
