Ջեք Կոուլման

Ջեք Կոուլման
	Ջեք Կոուլմանը 2008 թվականին
Ծնվել է	փետրվարի 21, 1958 (66 տարեկան)
Ծննդավայր	Իստոն, Փենսիլվանիա, ԱՄՆ
Կրթություն	Դյուքի համալսարան, Solebury School? և Eugene O'Neill Theater Center?
Քաղաքացիություն	ԱՄՆ
Մասնագիտություն	Դերասան, սցենարիստ
Ակտիվ շրջան	1981 - ներկա
Ամուսին(ներ)	Բեթ Թուսեն
	Ջեք Կոուլման՝ Վիքիպահեստ

Ջոն ՄաքԴոնալդ «Ջեք» Կոուլման (անգլ.՝ John MacDonald «Jack» Coleman, փետրվարի 21, 1958(1958-02-21)^[1], Իսթոն, Փենսիլվանիա^[2]), ամերիկացի դերասան և սցենարիստ, ով հայտնի է դարձել գիտաֆանտաստիկական «Հերոսները» հեռուստասերիալի Նոյ Բեննետի և «Տոհմ» օճառոտ օպերայի Սթիվեն Քերինգթոնի կերպարներով^[3]։

Վաղ կյանք

Ջեք Կոուլմանը ծնվել է 1958 թվականի փետրվարի 21-ին^[4] ԱՄՆ Փենսիլվանիա նահանգի Իստոն քաղաքում։ Համարվում է Բենջամին Ֆրանկլինի վեցերորդ սերունդը։ Հաճախել է Solebury School և Դյուկայի համալսարան, որտեղ էլ որոշել է դառնալ դերասան։ Համալսարանն ավարտելուց հետո 1980 թվականին տեղափոխվել է Ազգային թատերական ինստիտուտ^[3]։

Կարիերա

Կոուլմանը առաջին խոշոր դերերը խաղացել է 1981 թվականին, «Մեր կյանքի օրերը» հեռուստասերիալի չորս էպիզոդներում։ 1983 թվականին մտել է «Տոհմ» օճառոտ օպերայի դերասանական անձնակազմի մեջ, որտեղ 5 տարի մարմնավորել է Սթիվեն Քերինգթոնին, Քերինգթոնների ընտանիքի գլխավորի փոքր որդուն, քանի դեռ 1988 թվականին չէր լքել սերիալը։ Այդ տարի նա առաջին անգամ նկարահանվել է ֆիլմում։ Ֆիլմը կոչվում էր «Երջանկության հետապնդում», իսկ նա մարմնավորում էր Ստենի կերպարը։ 1997 թվականին նա նկարահանվել է «Սպաուն» ֆիլմում և մարմնավորել բժշկի կերպարը։

Կոուլմանը տարբեր սերիալներում մարմնավորել է հյուրերի կերպարներ։ 2004 թվականին զբաղված է եղել «Թագավորական հիվանդանոց» հեռուստասերիալի նկարահանումներով, որտեղ խաղացել է բժիշկ Փիտեր Ռիկմենի կոմային պացիենտի դերը։ 2006 թվականին հրավիրվել է կատարելու «Հերոսները» հեռուստասերիալի գլխավոր կերպարներից մեկի՝ Նոյ Բեննետի դերը։ 2011 թվականի հայտնվել է «Վամպիրի օրագրերը» հեռուստասերիալում, որտեղ խաղացել է Բիլլի Ֆորբսի՝ Քերոլայնի հոր դերը։ 2012 թվականին հայտնվեց «Կասլ» հեռուստասերիալի 5-րդ եթերաշրջանում և մարմնավորեց Ուիլյամ Բրեյքենին՝ սենատոր, ով ուղղակիորեն ներգրավված էր Քեյթ Բեքեթի մոր սպանության մեջ։

2013 թվականին Շոնդա Ռայմսը Կոուլմանին վերցրել է «Սկանդալ» հեռուստասերիալի դերասանական անձնակազմի մեջ^[5]։

Անձնական կյանք

1996 թվականին ամուսնացել է դերասանուհի Բեթ Թուսենի հետ։ 1999 թվականին նրանք ունեցել են աղջիկ, ում անվանել են Թես։

Ծանոթագրություններ

↑ Internet Broadway Database — 2000.
↑ ^2,0 ^2,1 http://www.filmreference.com/film/22/Jack-Coleman.html
↑ ^3,0 ^3,1 «From 'Dynasty' To NBC's 'Heroes,' Life Never Looked Better Through "Horn Rimmed Glasses" For New Series Regular Jack Coleman» (Press release). NBC Universal Media Village. 2006 թ․ նոյեմբերի 8. Վերցված է 2007 թ․ հունվարի 13-ին.
↑ Jack Coleman Biography (1958-)
↑ Nellie Andreeva (24 сентября 2013). «Joanne Kelly In 'Hostages', Jack Coleman In 'Scandal', America Olivo In 'Chicago PD'». Deadline.com. Վերցված է 2013 թ․ սեպտեմբերի 26-ին.

Վիքիպահեստն ունի նյութեր, որոնք վերաբերում են «Ջեք Կոուլման» հոդվածին։

[_236d6898f3d87a61-1] Internet Broadway Database — 2000.

[_7f9747de3f330407-2] 2,0 ^2,1 http://www.filmreference.com/film/22/Jack-Coleman.html

[FromDynasty-3] 3,0 ^3,1 «From 'Dynasty' To NBC's 'Heroes,' Life Never Looked Better Through "Horn Rimmed Glasses" For New Series Regular Jack Coleman» (Press release). NBC Universal Media Village. 2006 թ․ նոյեմբերի 8. Վերցված է 2007 թ․ հունվարի 13-ին.

[4] Jack Coleman Biography (1958-)

[5] Nellie Andreeva (24 сентября 2013). «Joanne Kelly In 'Hostages', Jack Coleman In 'Scandal', America Olivo In 'Chicago PD'». Deadline.com. Վերցված է 2013 թ․ սեպտեմբերի 26-ին.

[1]

[2]

[3]

[4]

[5]