Պավլո Լի
 ուկրաիներեն՝ Павло Романович Ли | |
|---|---|
 | |
| Ծնվել է | հուլիսի 10, 1988[1] |
| Ծննդավայր | Եվպատորիա, Ղրիմի մարզ, Ուկրաինական ԽՍՀ, ԽՍՀՄ |
| Մահացել է | մարտի 6, 2022[2][3] (33 տարեկան) |
| Մահվան վայր | Իրպեն, Կիևի մարզ, Ուկրաինա |
| Գերեզման | Vorokhta |
| Քաղաքացիություն |  Ուկրաինա |
| Մասնագիտություն | կինոդերասան, ռազմական գործիչ, դերասան, հեռուստահաղորդավար և հնչյունավորող |
| pashali.at.ua | |
Պավլո «Պաշա» Ռոմանովիչ Լի (ուկրաիներեն՝ Павло «Паша» Романович Лі, հուլիսի 10, 1988[1], Եվպատորիա, Ղրիմի մարզ, Ուկրաինական ԽՍՀ, ԽՍՀՄ - մարտի 6, 2022[2][3], Իրպեն, Կիևի մարզ, Ուկրաինա), ուկրաինացի դերասան և հեռուստահաղորդավար[4]։
Կենսագրություն
[խմբագրել | խմբագրել կոդը]Ծնվել է Ղրիմի Եվպատորիա քաղաքում, կորեա-ուկրաինական ծագում ունեցեղ հորից և ուկրաինուհի մորից[5]։ Ծանոթների շրջանում հորն էլ էին կոչում Պավլո Լի կամ Պաշա Լի[6]։
Կրտսեր Պավլոն «Դոմ» հեռուստաալիքի հաղորդավար էր, խաղում էր թատրոնում, նկարահանվում գովազդային հոլովակներում[7], սակայն առավել հայտնի էր մի շարք ֆիլմերում գլխավոր հերոսների կերպարների մարմնավորմամբ։ Հիշատակության են արժանի հատկապես նրա դերակատարումները ռեժիսոր Լյուբոմիր Լևիցկու «Հանքախորշ» («Штольня», 2007) և «Անմոռաց նախնիների ստվերները» («Тіні незабутих предків», 2013), ինչպես նաև այլ կինոռեժիսորների նկարահանած «Մարտի կանոնը» (Pravilo boya, 2017), «Համադասարանցիների հանդիպում» (Zustrich odnoklasnykiv, 2019) ֆիլմերում։ Բացի այդ, Պավլո Լին մասնակցել է լայն ժողովրդականություն վայելող մի շարք անգլիալեզու կինոնկարների կրկնօրինակման աշխատանքներին, հնչյունավորել «Առյուծ արքան» (The Lion King), «Հոբիթ» (The Hobbit) և այլ ֆիլմերի հերոսների ուկրաիներեն կամ ռուսերեն թարգմանված խոսքը[8][9]։ Վերջին ամիսներին նա հանդես էր գալիս «Գավառցին» (Provincial, 2021) հեռուստասերիալում՝ կատարելով գլխավոր հերոսի դերը[10]։
Մահը
[խմբագրել | խմբագրել կոդը]2022 թվականի փետրվարի 24-ին սկսված ռուսական ռազմական հատուկ գործողության առաջին իսկ օրերից Լին կամավոր ընդգրկվել է ուկրաինական տարածքային պաշտպանության ուժերում, միաժամանակ ինստագրամյան իր էջում նախաձեռնել կամ մասնակցել պատերազմական հրատապ թեմաներով բանավեճերի ու քննարկումների[6]։
Սպանվել է մարտի 6-ին ռուսական օդուժի կողմից Ուկրաինայի մայրաքաղաք Կիևի Իրպին արվարձանի ռմբահարման հետևանքով։ Նրա մահվան մասին հայտարարվել է Օդեսայի՝ այդ ժամանակ ընթացող միջազգային կինոփառատոնում[11]։ Երիտասարդ դերասանի դին հուղարկավորվել է մարտի 18-ին Իվանո-Ֆրանկովսկի մարզի Վորոխտա ավանում, որտեղ ապրում է նրա մայրը[12]։
Ֆիլմագրություն
[խմբագրել | խմբագրել կոդը]- 2003 — Один за всіх/Մեկը բոլորի համար
- 2006 — Штольня/Հանքախորշ — Դեն
- 2008 — За все тобі дякую-3/Ամեն ինչի համար շնորհակալ եմ քեզ - 3
- 2012 — Звичайна справа/Սովորական գործ
- 2013 — Тіні незабутих предків/Անմոռաց նախնիների ստվերները — Վովա
- 2016 — SelfieParty — թիկնապահ
- 2017 — Правило бою/Մարտի կանոն — Դիզել
- 2017 — Специ/Մասնագետներ
- 2019 — Зустріч однокласників/Համադասարանցիների հանդիպում — Կոստյա
- 2022 - Мирний-21 (նկարահանումները դեռ ընթացքի մեջ են)[13]
Ծանոթագրություններ
[խմբագրել | խմբագրել կոդը]- ↑ 1,0 1,1 https://pashali.at.ua
- ↑ 2,0 2,1 2,2 В Ірпені під обстрілами загинув 33-річний український актор
- ↑ 3,0 3,1 3,2 Ismert ukrán tévésztár halt meg Irpiny bombázása során
- ↑ «Ukrainian actor Pasha Lee killed in Russian bombardment». BBC News. 2022 թ․ մարտի 8. Վերցված է 2022 թ․ մարտի 8-ին.
- ↑ «Pavlo Li». IMDb. Վերցված է 2022 թ․ մարտի 7-ին.
- ↑ 6,0 6,1 Ritman, Alex; Ritman, Alex (2022 թ․ մարտի 8). «Ukrainian Actor Pasha Lee Killed by Russian Shelling After Joining Armed Forces. He died with other several soldier as it has been Said he was a great person loved by all (Sivelia Mweenda) ». The Hollywood Reporter (ամերիկյան անգլերեն). Վերցված է 2022 թ․ մարտի 9-ին.
- ↑ Young, Julius (2022 թ․ մարտի 8). «Ukrainian film star Pasha Lee killed in Russia-Ukraine war while defending country». FOX News (ամերիկյան անգլերեն). Վերցված է 2022 թ․ մարտի 9-ին.
- ↑ Blair, Anthony (2022 թ․ մարտի 7). «Hobbit & Lion King actor killed by shell after joining Ukrainian army». The US Sun (ամերիկյան անգլերեն). Վերցված է 2022 թ․ մարտի 7-ին.
- ↑ Yeryomin, Mykola (2022 թ․ մարտի 7). «У лавах тероборони загинув під час обстрілу в Ірпені актор Павло Лі». PlayUA (ուկրաիներեն). Վերցված է 2022 թ․ մարտի 7-ին.
- ↑ «Actor, TV host Pasha Lee killed by Russian invaders while defending Irpin near Kyiv». www.ukrinform.net (անգլերեն). Վերցված է 2022 թ․ մարտի 7-ին.
- ↑ «Ukrainian actor Pasha Lee killed during fighting in Kyiv Oblast». The Kyiv Independent. 2022 թ․ մարտի 6. Վերցված է 2022 թ․ մարտի 7-ին.
- ↑ «У Ворохті попрощалися із актором Павлом Лі, який загинув в російсько-українській війні». Eparchy of Kolomyia webresource (ուկրաիներեն). 2022 թ․ մարտի 19. Վերցված է 2022 թ․ մարտի 21-ին.
- ↑ «У Києві стартували зйомки нової воєнної драми Ахтема Сеітаблаєва «Мирний-21»». День (ուկրաիներեն). Արխիվացված է օրիգինալից 7 березня 2022-ին. Վերցված է 2021 թ․ սեպտեմբերի 9-ին.
| ||||||||||||||
