Շերի Քերրի

Շերի Քերրի
Ծնվել է	նոյեմբերի 30, 1959 (64 տարեկան); Էնսինո, Լոս Անջելես, Կալիֆոռնիա, ԱՄՆ
Երկիր	ԱՄՆ
Ժանրեր	փանկ-ռոք
Մասնագիտություն	դերասանուհի, երգչուհի, փայտի փորագրող, երաժիշտ, երգերի հեղինակ, կինոպրոդյուսեր, հեռուստատեսային դերասանուհի և կինոդերասանուհի
Գործիքներ	կիթառ և վոկալ
Լեյբլ	Մերկուրի Ռեքորդս
Կրթություն	St. Cyril of Jerusalem Church and School?
Անդամակցություն	The Runaways? և Cherie & Marie Currie?
Ամուսին	Ռոբերտ Հեյզ
Կայք	cheriecurrie.com
	Cherie Currie Վիքիպահեստում

Շերի Էնն Քերրի (անգլ.՝ Cherie Ann Currie, նոյեմբերի 30, 1959(1959-11-30)^[1], Էնսինո, Լոս Անջելես, Կալիֆոռնիա, ԱՄՆ), ամերիկացի երգչուհի և դերասանուհի։ 70-ականների կեսերին նա եղել է The Runaways աղջիկների հարդ ռոք խմբի վոկալիստը։

Կենսագրություն

Շերի Քերրին ծնվել է Կալիֆոռնիա նահանգի Էնսինո քաղաքում՝ Դոն Քերիի և դերասանուհի Մերի Հարմոնի ընտանիքում^[2], ունեցել է երկու քույր՝ դերասանուհի Սոնդրան և երկվորյակ քույրը՝ Մարին^[3]։

Շերիի առաջին կուռքը Դևիդ Բոուին էր, լինելով նրա համերգին՝ նա կտրել և ներկել է մազերը Դևիդի նման։ English Disco ակումբում նա ծանոթացել է Կիմ Ֆոուլիի և Ջոան Ջետի հետ, նրանք Շերիին հրավիրել են իրենց նոր խմբի լսումներին և նրա ելույթի (սեփական երգով) տպավորության տակ անմիջապես տեղում գրել են «Cherry Bomb» երգը, որը որոշ ժամանակ անց դարձել է պատանիների հիմնը։ Այսպիսով, Շերին տասնվեց տարին դեռ չլրացած՝ դարձել է The Runaways-ի անդամ^[3]։ «Bomp!» ամսագիրը նրան նկարագրել է որպես «Իգի Փոփի և Բրիժիտ Բարդոյի կորած դուստր»։ Ներքնազգեստով 16-ամյա աղջկա ելույթներին գալիս էր տղամարդկանց բազմություն։ Խոսակցություններ կային, որ նա ապօրինի թմրանյութեր է օգտագործել, և դրա պատճառով խումբը կազմալուծվել է։

Runaways-ի հետ երեք ալբոմներից հետո (The Runaways, Queens of Noise, Live in Japan) Քերրին սկսել է ձայնագրել անհատական ալբոմներ (Beauty's Only Skin, Deepand Messin՝ քրոջ՝ Մարիի հետ)։

Այնուհետև նա աշխատել է որպես դերասանուհի։ Նկարահանվել է այնպիսի ֆիլմերում, ինչպիսիք են «Աղվեսները», «Մակաբույծ», «Ալիքի երկարությունը», «Մթնշաղի գոտին», «Հարուստ աղջիկը» և այլն։

1990-ականներին Քերրին ամուսնացել է դերասան Ռոբերտ Հեյսի հետ, և նրանք ունեցել են մեկ որդի` Ջեյք Հեյզը։ Ներկայումս նրանք ամուսնալուծված են^[4]։

Քերրին իր պատանեկության տարիների մասին գրել է հուշեր՝ «Neon Angel: Հիշողություններ Runaways-ի մասին»։ Սյուժեն պատմում է նրա ոչ բարեկեցիկ ընտանիքի, թմրանյութերի և ալկոհոլի դեմ պայքարի, սեռական անարգանքի և Runaways-ում ունեցած օրերի մասին։

2010 թվականին լույս է տեսել «Runaways» ֆիլմը՝ երաժշտական կենսագրական դրամա, որը կենտրոնացած էր Քերրիի և Ջետի հարաբերությունների վրա։ Ֆիլմում Քերրիի դերը խաղացել է Դակոտա Ֆենինգը։

2011 թվականին Քերրին հայտարարել է նոր ալբոմի մասին (առաջինը՝ սկսած 1980 թվականից), որի պրոդյուսերը եղել է Մեթ Սորումը՝ Guns N' Roses-ի թմբկահարը։

Ծանոթագրություններ

↑ ^1,0 ^1,1 Internet Movie Database — 1990.
↑ Neon Angel – Interview with The Runaways’ Cherie Currie - Features
↑ ^3,0 ^3,1 «Cherie Currie». Официальный сайт The Runaways. Արխիվացված է օրիգինալից 2012 թ․ հուլիսի 4-ին. Վերցված է 2011 թ․ հունվարի 1-ին.
↑ «Cherie Currie rocks with biopic». Արխիվացված է օրիգինալից 2010 թ․ օգոստոսի 19-ին. Վերցված է 2011 թ․ փետրվարի 6-ին.

Արտաքին Հղումներ

Վիքիպահեստն ունի նյութեր, որոնք վերաբերում են «Շերի Քերրի» հոդվածին։

[_23b4fb0aee7fd61b-1] 1,0 ^1,1 Internet Movie Database — 1990.

[2] Neon Angel – Interview with The Runaways’ Cherie Currie - Features

[official-3] 3,0 ^3,1 «Cherie Currie». Официальный сайт The Runaways. Արխիվացված է օրիգինալից 2012 թ․ հուլիսի 4-ին. Վերցված է 2011 թ․ հունվարի 1-ին.

[4] «Cherie Currie rocks with biopic». Արխիվացված է օրիգինալից 2010 թ․ օգոստոսի 19-ին. Վերցված է 2011 թ․ փետրվարի 6-ին.

[1]

[2]

[3]

[4]