Emma Stone

Emma Stone
Ennym ruggyree	Emily Jean Stone
Ruggit	6 Mee Houney 1988(1988-11-06) (36 bleeaney d'eash) Scottsdale, Arizona, SUA
Ynnyd beaghee	Los Angeles Greenwich Village (en)
Seyraanaght	Steatyn Unnaneysit America
Çhengey	Baarle
Keird	aghteyr fillym · aghteyr çhellveeish · aghteyr ardan · aghteyr goo · aghteyr · gienteyder fillym
Bleeantyn obbree	2004–jiu
Ynsagh	Xavier College Preparatory (en) Young Actors Space (en)
Daah sooillyn	glass
Daah fuilt	folt fynn as folt ruy
Yrjid	168 cm
Sheshey	Dave McCary (en)  (2020 –
Paitçhyn	slane rolley Louise McCary (en)
Moir	Krista Jean Stone
Aundyryn	slane rolley Golden Globe Award for Best Actress in a Motion Picture – Musical or Comedy  (2017) : La La Land (en) Academy Award for Best Actress  (2017) : La La Land (en) BAFTA Award for Best Actress in a Leading Role  (2017) : La La Land (en) Golden Globe Award for Best Actress in a Motion Picture – Musical or Comedy  (2023) : Poor Things (en) Academy Award for Best Actress  (Mayrnt 10, 2024) : Poor Things (en) Volpi Cup for Best Actress BAFTA Award for Best Actress in a Supporting Role Golden Globe for best actress BAFTA Award for Best Actress in a Leading Role  (2024) : Poor Things (en)
Kianglaghyn fysseree as sheshoil
IMDb	nm1297015
Discogs ID	5095511
Models.com	emma-stone

She aghteyr Americaanagh ee Emily Jean Stone (ruggit er 6 Sauin 1988), ta goll er enney dy keirdagh myr Emma Stone. T'ee er ny gheddyn ram accolaidyn, goaill stiagh Aundyr Academy, BAFTA, as Aundyr Golden Globe. Ayns 2017, she ish va'n ben-aghteyr smoo eeckit er y theihll as v'ee enmyssit ec yn earishlioar Time myr nane jeh ny 100 deiney smoo cummaghtagh 'sy dowan.

Va Stone ruggit as troggit ayns Scottsdale, Arizona, as hoshee ee cloie tra v'ee ny paitçhey ayns gientyn theateragh yn obbyr The Wind in the Willows ayns 2000. Tra v'ee ny jeigeyr, darree ee dys Los Angeles as ren ee e toshiaght çhellveeish ayns In Search of the New Partridge Family (2004), claare rieughagh nagh row jeant echey agh un episode neu-chreckit. Lurg paartyn çhellveeish beggey, chloie ee ayns filmyn aittys jeigeyr, lheid as Superbad (2007), Zombieland (2009), as Easy A (2010). Son y fillym jerrinagh, chossyn ee enmyssaght son Aundyr Golden Globe son y Ven-aghteyr Share. Lurg y vrishey-magh shen, va paartyn co-hassooagh eck 'syn aittys romansagh Crazy, Stupid, Love (2011) as 'sy drama shennearish The Help (2011), as hooar ee enney ny s'lhea myr Gwen Stacy 'sy fillym far-feniagh The Amazing Spider-Man (2012) as y fillym eiyrtyssagh ayns 2014.

Ayns 2014, chloie Stone deyrsnagh druggey slaanit 'sy doo-aittys Birdman, chossyn j'ee enmyssaght son Aundyr Academy son y Ven-aghteyr Co-hassooagh Share, as ren ee e toshiaght er Broadway myr Sally Bowles ayns aavioghey yn obbyr chiaullee Cabaret. Chossyn ee Aundyr Academy son y Ven-aghteyr Share son e paart myr aghteyr yeearree 'sy fillym kiaullee romansagh La La Land (2016). Hooar ee e trass enmyssaght son Aundyr Academy son e paart myr Abigail Masham 'sy drama aittys shenndeeagh The Favourite (2018). Lurg paart toshee 'sy vyn-straih doo-aittys Maniac (2018) liorish Netflix, ren ee injillaghey e lught obbyr, cloie 'sy fillym eiyrtyssagh Zombieland: Double Tap (2019) as 'syn aittys kimmeeys Cruella (2021).

Ta Stone poost rish y screeudeyr as yn aghteyr Dave McCary, as ta neen eck lesh.

Kianglaghyn magh

• Emma Stone ec IMDb