Aigh vane
| Aigh vane | ||||||||||||||
|---|---|---|---|---|---|---|---|---|---|---|---|---|---|---|
 Aigh vane
| ||||||||||||||
| Rang oaylleeagh | ||||||||||||||
| ||||||||||||||
| Ennym daa-ennymagh | ||||||||||||||
| Buxus sempervirens L. |
She crouw ny billey beg ‘sy ghenus Buxus ee aigh vane (Buxus sempervirens). T'ee ry-akin 'syn Europey heear as jiass, 'syn Aishey heear-yiass as 'syn Affrick heear-hwoaie.[1][2][3]
T'ee gaase dys wheesh as 9 meadar er yrjid, as crantessen wheesh as 20 kentimeadar. Ta duillagyn buighey-ghlassey ny glassey eck, ayns jeesyn, oohchrooagh as mysh 15-20mm er lhiurid. Ta blaaghyn neuvaghtal buighey-ghlassey eck, gyn petyllyn erbee, as t'ad goll er pollnaghey ec shey-chassee. Ta ny messyn eck nyn gishtaghyn tree-vabbanagh as 3-6 rassyn ayndaue.[1][3]
T'ee gaase er thalloo kelkagh ny eaylagh dy cadjin, myr fo-laare da biljyn smoo dy mennick. T'ee ry-akin myrane lesh faih son y chooid smoo, agh ayns scrub çhirrym slieau ny keayrtyn. She Box Hill, Surrey (Cronk aigh vane) eh ard smoo Hostyn dy aigh vane dooghyssagh.[4][5]
-
Duillagys as blaaghyn aigh vane -
Aigh vane -
Aigh vane
Ymmyd
[reagh | edit source]T'ee feer ennoil myr lus jesheenagh ayns garaghyn, er son cleighyn as jallooyn cleigh erskyn ooilley. Ta'n fuygh eck (foiee kishtey) feer chreoi as trome, as myr shen t'eh slanjeant er son cabnaidaght, grainney, obbyr ynlhie, jannoo clarinaidyn, cassyn ghreieyn as king woaillteenyn. Ayns ny laghyn shinney, v'ad jannoo ymmyd jeh duillagyn aigh vane ayns ynnyd quineen, as er son dy injillaghey çhiassaghey.[6]
Imraaghyn
[reagh | edit source]- ↑ a b Rushforth, K. (1999). Trees of Britain and Europe. Collins ISBN 0-00-220013-9.
- ↑ Flora Europaea: Buxus sempervirens
- ↑ a b British Trees: Buxus sempervirens
- ↑ Mitchell, A. F. (1974). A Field Guide to the Trees of Britain and Northern Europe. Collins ISBN 0-00-212035-6
- ↑ Bean, W. J. (1976). Trees and Shrubs Hardy in the British Isles 8th ed., vol. 1. John Murray ISBN 0-7195-1790-7.
- ↑ Pg.171, Lawrence, E., ed. (1985) The Illustrated Book of Trees & Shrubs. Gallery Books ISBN 0-8317-8820-8.
