Campionato Brasileiro de Fútbol Série A

Campionato Brasileiro de Fútbol Série A

Ficheiro:Taça do Campeonato Brasileiro.png
Tipo	liga de fútbol
Organizador	Confederación Brasileira de Fútbol
Liga inferior	Campeonato Brasileiro de Futebol - Série B (pt)
Número de participantes	20
Localización  e  Datas
País	Brasil
Vixencia	1959 –
Calendario da tempada	maio –
Período de ocorrencia	1 ano
Datos estatísticos
Partidos	760
Outro
Páxina web oficial	brasileirao.cbf.com.br

O Campionato Brasileiro de Serie A (popularmente tamén chamado Brasileirão) é a primeira división da liga de fútbol no Brasil. Fundado en 1971, o campionato está composto actualmente por 20 equipos, que disputan 38 xornadas entre maio e decembro, xogando tódolos equipos dúas veces entre si cada tempada, unha como locais e outra como visitantes. Este torneo está situado no calendario a continuación dos campionatos estatais, tales como o Paulista ou o Carioca, que son os máis importantes.

En 2011 a IFFHS colocou ó Brasileirão no 3º posto da súa clasificación das ligas máis fortes do mundo. O actual campión do torneo é o Palmeiras, da cidade de São Paulo, que é ademais o equipo máis laureado da competición, con 11 títulos.

Equipos

Artigo principal: Campionato Brasileiro Série A 2015.

O Brasileirão coroa como campión do Brasil ó equipo que remata primeiro na táboa ó remate das 38 xornadas. Ese equipo e os 3 seguintes acadan ademais o dereito a competir na seguinte edición da Copa Libertadores, a máxima competición continental en Suramérica a nivel de clubs. Cando o campión da Copa Libertadores ou da Copa do Brasil remata ese mesmo ano a liga entre os 4 primeiros postos da táboa, a súa praza para a seguinte Copa Libertadores pasa ó seguinte equipo da táboa. Pola contra, os 4 últimos equipos da clasificación descenden de categoría. Os 20 equipos que disputarán a liga na tempada 2015 son:

• Do Estado de São Paulo:
  • Corinthians
  • Palmeiras
  • Ponte Preta
  • São Paulo
  • Santos
• Do Estado de Paraná:
  • Atlético Paranaense
  • Coritiba
• Do Estado de Goiás:
  • Goiás
• Do Estado de Santa Catarina:
  • Avaí
  • Chapecoense
  • Figueirense
  • Joinville

• Do Estado de Río de Xaneiro:
  • Flamengo
  • Vasco da Gama
  • Fluminense
• Do Estado de Minas Xerais:
  • Atlético Mineiro
  • Cruzeiro
• Do Estado de Río Grande do Sur:
  • Internacional
  • Grêmio
• Do Estado de Penambuco:
  • Sport

Palmarés

O Campionato Brasileiro, nos seus distintos formatos, naceu como tal en 1971. Non obstante, a Confederación Brasileira de Fútbol tomou a decisión de converter en oficiais tamén ós antigos torneos da Taça Brasil (1959-1968) e Torneo Roberto Gomes Pedrosa (1967-1970), de tal xeito que o palmarés do Campionato Brasileiro é o seguinte:

Estadio Morumbi, fogar do São Paulo.

Estadio Engenhão, fogar do Botafogo.

Títulos	Equipo	Tempadas
11	Palmeiras	1960, 1967, 1967, 1969, 1972, 1973, 1993, 1994, 2016, 2018, 2022
8	Santos	1961, 1962, 1963, 1964, 1965, 1968, 2002, 2004
7	Corinthians	1990, 1998, 1999, 2005, 2011, 2015, 2017
7	Flamengo	1980, 1982, 1983, 1992, 2009, 2019, 2020
6	São Paulo	1977, 1986, 1991, 2006, 2007, 2008
4	Cruzeiro	1966, 2003, 2013, 2014
4	Vasco da Gama	1974, 1989, 1997, 2000
4	Fluminense	1970, 1984, 2010, 2012
3	Internacional	1975, 1976, 1979
2	Bahia	1959, 1988
2	Botafogo	1968, 1995
2	Grêmio	1981, 1996
2	Atlético Mineiro	1971, 2021
1	Guarani	1978
1	Coritiba	1985
1	Sport	1987
1	Atlético Paranaense	2001

Estatísticas

• Os equipos con máis participacións no Campionato Brasileiro son o Grêmio e o Santos, que entre 1959 e 2022 disputaron 62 tempadas no torneo. Séguenos o Cruzeiro, o Atlético Mineiro e o Palmeiras, con 59; e o Botafogo e o Flamengo, con 57.
• O máximo goleador da historia da competición é Roberto Dinamite, que anotou 190 goles defendendo as cores do Vasco da Gama e da Portuguesa nos anos 70 e 80. Ségueo na clasificación Fred, autor de 157 goles con Cruzeiro, Fluminense e Atlético Mineiro. Os seguintes na clasificación son Romário (154), Edmundo (153), Zico (135) e Túlio (129).
• A cidade que concentra unha maior cantidade de campionatos é São Paulo, cuxos equipos gañaron 24 ligas. Séguea Río de Xaneiro con 17 ligas, Santos con 8, Belo Horizonte con 6 e Porto Alegre con 5.
• Os equipos que representan ó campionato brasileiro na Copa Libertadores teñen gañado 22 veces a máxima competición continental, índice no cal a liga brasileira só é superada polo campionato arxentino, cuxos equipos foron campións 25 veces. Na terceira posición está a liga uruguaia, con 8 Copas Libertadores.
• Os equipos brasileiros acadaron o máximo título mundial a nivel de clubs en 10 ocasións (6 Copas Intercontinentais e 4 Copas Mundiais de Clubs), índice no cal son superados unicamente polos equipos españois (11 títulos).

Véxase tamén

Outros artigos

• Copa Libertadores
• Copa Suramericana
• Primeira División da Arxentina

Ligazóns externas

• Páxina oficial da Confederación Brasileira de Fútbol (en portugués)