Gravitasyon
Gravitasyon-an, roun dé kat entéraksyon fondamantal ki ka réji Linivèr-a, sa entéraksyon fizik-a ki rèsponsab di atraksyon-an dé kò masif ant yé. Li ka manifèsté so kò notaman pa atraksyon térès ki nou ka rétni o sòl, gravité-a, ki sa rèsponsab di plizyò manifestasyon natirèl ; maré-ya, òrbit-a dé planèt otour di Solèy, sférisité-a di laplipa dé kò sélès an sa tchèk lègzanp. Di roun mannyè pli jénéral, èstriktir-a à grann léchèl di Linivèr-a sa détèrminé pa gravitasyon-an.
Plizyò téyori té tanté di randé kont di gravitasyon-an. Atchwèlman òkò, téyori-a di rélativité jénéral-a d'Albert Einstein (1915) rès pli satisfézant-a.