太陽系

太陽系

太陽系 係位到銀河系嗰一隻星系，太陽系嗰中心就係日頭嘍，佢自身嗰質量就佔到太陽系嗰 99.8%。繞到佢轉嗰有八大行星同到佢個俚嗰衛星、小行星哈有滴子細小嗰星際物質。

大概來話，太陽系嗰範圍，包括太陽、四隻石質內行星，石質小行星帶，氣質外行星，冰質柯伊伯帶(Kuiper belt)。柯伊伯帶之外，係隻分散物質盤，叫太陽層(heliopause)。再出去嗰話就係有奧特雲(Oort cloud)嘍。

以太陽做中心，由近到遠，行星次序係水星、金星、地球、火星、木星、土星、天王星同到海王星。箇八隻行星，有六隻係有天然衞星嗰，而外行星都會有星塵圍到，變成隻星環。