An Réabhlóid Ghlórmhar
| Cineál | coup d'état réabhlóid  |
|---|---|
| Tréimhse | 1688 - 1689 |
| Dáta na bliana | 1688 |
| Suíomh | na hOileáin Cheilteacha |
| Tír | Ríocht Shasana |
| Liam III Shasana | |
Tugtar an Réabhlóid Ghlórmhar (nó an Réabhlód Protastúnach) ar an réabhlóid sa bhliain 1688 a ruaig an Rí Séamas a Dó as ríchathaoir Shasana agus a chuir Liam a Trí de mhuintir Oráiste-Nassau ina áit. Ba é John Hampden a bhaist an réabhlóid mar sin, agus an bhliain 1689 ag druidim chun deireanais, agus is ainm é a thugann Parlaimint Shasana ar na himeachtaí seo go hoifigiúil.
Uaireanta, deirtear gur réabhlóid gan doirteadh fola a bhí ann, ach ní fíor é. Le fírinne, bhí scirmisí idir an dá arm, agus bhí scliúchais fhrith-Chaitliceacha in áiteanna. Thairis sin, cuireadh Cogadh an Dá Rí in Éirinn, agus troideadh cúpla mór chath in Albain, go háirithe i gCoille Chnagaidh (cath Raon Ruairidh, mar a thugtar air i nGaeilge na hAlban) agus i nDùn Chaillinn.