Grutte Omgongen

Omgong fan Spanje

Yn it hurdfytsen op de dyk binne der trije grutte wedstriden. Dat binne de Omgong fan Frankryk, offisjeel Tour de France, de Omgong fan Itaalje, offisjeel Giro d'Italia, en de Omgong fan Spanje, offisjeel La Vuelta. Mei-inoar wurde se de Grutte Omgongen neamd, en alle trije wedstriden binne te ferlykjen yn formaat, nammentlik trije wiken mei deistige etappen. Se hawwe in spesjale status yn de UCI-regleminten: der wurde mear punten foar de UCI World Tour ferdield yn grutte omgongen as yn oare wedstriden, ^[1] en it binne de iennige etappe koersen dy't langer as 14 dagen duorje meie.

De Omgong fan Itaalje wurdt trochstrings yn 'e maitiid riden, de Omgong fan Frankryk yn 'e simmer en de Omgong fan Spanje yn 'e hjerst. De Vuelta waard oarspronklik ek ferriden yn de maitiid, meastentiids ein april, mei in pear edysjes yn juny yn de jierren 40. Yn 1995 waard de Omgong fan Spanje lykwols ferpleatst nei septimber om direkte konkurrinsje mei de Omgong fan Itaalje te mijen. De Omgong fan Frankryk is de âldste en meast prestisjeuze fan alle trije.

Beskriuwing

Yn syn hjoeddeistige foarm wurde de grutte omgongen trije wiken efterinoar holden en omfetsje se meastal twa rêstdagen oan it begjin fan de twadde en tredde wike. As de iepenings etappen plakfine yn in lân dat net grinzget oan it thúslân fan de wedstriid, is der soms in ekstra rêstdei nei it iepeningswykein om in reis nei it thúslân mooglik te meitsjen. De etappen binne in mjuks fan etappen mei heuvels, bergen en flakke geaen, en faaks binne der ek yndividuele en teamtiidritten. Etappen yn de grutte omgongen binne oer it algemien minder as 200 kilometer lang.

Der is faak gedoch oer hokker ploegen útnûge wurde foar it evenemint. Ornaris jout de UCI de foarkar oan ploegen út de topklasse om mei te dwaan, wylst organisatoaren fan de omgongen faak ek ploegen wolle dy't yn harren lân fêstige binne of dy't nei alle gedachten gjin kontroverze feroarsaakje. Fan 2005 oant 2007 moasten de organisatoaren alle topklasse ploegen akseptearje, wêrtroch't der mar twa wildcard-teams de omgong oerbleaune. De Unibet ploech, in topklasse ploech, dy't ornaris tagong garandearret, waard lykwols útsletten fan de trije omgongen fanwegen it oertrêdzjen fan de reklame wetten foar gokken. Yn 2008 waard nei in tal dopingskandalen guon ploegen de tagong ta de grutte omgongen wegere: Astana die net mei oan de Omgong fan Frankryk 2008 en Columbia die net mei oan de Omgong fan Spanje 2008. Sûnt 2011 binne neffens de UCI World Tour-regels alle UCI Topklasse garandearre fan in plak yn alle trije de eveneminten en binne se ek ferplichte om mei te dwaan, en it stiet de organisatoaren frij om in wildcard te jaan oan in ploech fan in leger nivo, om in peleton fan 22 ploegen te foarmjen.

It wichtichste klassemint is it algemien klassemint, beslút op de totale tiid. Der binne ek klasseminten basearre op klim - en sprintpunten, klasseminten foar ploegen en jonge hurdfytsers en oare lytse klasseminten. Fiif riders hawwe trije yndividuele klasseminten wûn (algemien klassemint, berchklassemint, jongereinklassemint en punteklassemint) yn deselde wedstriid: Eddy Merckx yn de Omgong fan Itaalje fan 1968, de Omgong fan Frankryk fan 1969 en de Omgong fan Spanje fan 1973, Tony Rominger yn de Omgong fan Spanje 1993 , Laurent Jalabert yn de Omgong fan Spanje 1995, Marco Pantani yn de Omgong fan Itaalje 1998 en Tadej Pogačar yn de Omgong fan Frankryk 2020 en de Omgong fan Frankryk 2021.

It komt selden foar dat fytsers alle grutte omgongen yn itselde jier fytse. Yn 'e rin fan 'e jierren hawwe 34 hurdfytsers alle trije de grutte omgongen yn ien jier foltôge: Adam Hansen die dat seis jier op rige. De iennige hurdfytsers dy't yn itselde jier yn elk fan de trije omgongen yn de top 10 einigen, binne Raphaël Géminiani yn 1955 en Gastone Nencini yn 1957.

Winners fan alle trije de Grutte Omgongen

Sân hurdfytsers wisten de trije Grutte Omgongen op syn minst ien kear te winnen; it is noch nea ien slagge om alle trije de Omgongen yn ien seizoen te winnen.

Oerwinningen	Hurdfytser	Omgong	Jierren
11	Eddy Merckx	5x Omgong fan Frankryk	1969, 1970, 1971, 1972, 1974
		5x Omgong fan Itaalje	1968, 1970, 1972, 1973, 1974
		1x Omgong fan Spanje	1973

10	Bernard Hinault	5x Omgong fan Frankryk	1978, 1979, 1981, 1982, 1985
		3x Omgong fan Itaalje	1980, 1982, 1985
		2x Omgong fan Spanje	1978, 1983

8	Jacques Anquetil	5x Omgong fan Frankryk	1957, 1961, 1962, 1963, 1964
		2x Omgong fan Itaalje	1960, 1964
		1x Omgong fan Spanje	1963

7	Alberto Contador^[2]	2x Omgong fan Frankryk	2007, 2009
		2x Omgong fan Itaalje	2008, 2015
		3x Omgong fan Spanje	2008, 2012, 2014

7	Chris Froome^[3]	4x Omgong fan Frankryk	2013, 2015, 2016, 2017
		1x Omgong fan Itaalje	2018
		2x Omgong fan Spanje	2011, 2017

5	Felice Gimondi	1x Omgong fan Frankryk	1965
		3x Omgong fan Itaalje	1967, 1969, 1976
		1x Omgong fan Spanje	1968

4	Vincenzo Nibali	1x Omgong fan Frankryk	2014
		2x Omgong fan Itaalje	2013, 2016
		1x Omgong fan Spanje	2010

Winners fan twa fan de trije Grutte Omgongen

Njonken de sân binne der ek njoggentjin hurdfytsers dy 't it slagge twa fan de trije Grutte Omgongen te winnen:

Omgong fan Frankryk & Omgong fan Itaalje

Oerwinningen	Hurdfytser	Omgong	Jierren
7	Fausto Coppi	2x Omgong fan Frankryk	1949, 1952
7	Fausto Coppi	5x Omgong fan Itaalje	1940, 1947, 1949, 1952, 1953

7	Miguel Indurain	5x Omgong fan Frankryk	1991, 1992, 1993, 1994, 1995
7	Miguel Indurain	2x Omgong fan Itaalje	1992, 1993

5	Gino Bartali	2x Omgong fan Frankryk	1938, 1948
5	Gino Bartali	3x Omgong fan Itaalje	1936, 1937, 1946

4	Tadej Pogačar	3x Omgong fan Frankryk	2020, 2021, 2024
4	Tadej Pogačar	1x Omgong fan Itaalje	2024

3	Charly Gaul	1x Omgong fan Frankryk	1958
3	Charly Gaul	2x Omgong fan Itaalje	1956, 1959

3	Laurent Fignon	2x Omgong fan Frankryk	1983, 1984
3	Laurent Fignon	1x Omgong fan Itaalje	1989

2	Hugo Koblet	1x Omgong fan Frankryk	1951
2	Hugo Koblet	1x Omgong fan Itaalje	1950

2	Gastone Nencini	1x Omgong fan Frankryk	1960
2	Gastone Nencini	1x Omgong fan Itaalje	1957

2	Stephen Roche	1x Omgong fan Frankryk	1987
2	Stephen Roche	1x Omgong fan Itaalje	1987

2	Marco Pantani	1x Omgong fan Frankryk	1998
2	Marco Pantani	1x Omgong fan Itaalje	1998

2	Egan Bernal	1x Omgong fan Frankryk	2019
2	Egan Bernal	1x Omgong fan Itaalje	2021

Omgong fan Frankryk & Omgong fan Spanje

Oerwinningen	Hurdfytser	Omgong	Jierren
3	Pedro Delgado	1x Omgong fan Frankryk	1988
3	Pedro Delgado	2x Omgong fan Spanje	1985, 1989

2	Jan Janssen	1x Omgong fan Frankryk	1968
2	Jan Janssen	1x Omgong fan Spanje	1967

2	Roger Pingeon	1x Omgong fan Frankryk	1967
2	Roger Pingeon	1x Omgong fan Spanje	1969

2	Luis Ocaña	1x Omgong fan Frankryk	1973
2	Luis Ocaña	1x Omgong fan Spanje	1970

2	Joop Zoetemelk	1x Omgong fan Frankryk	1980
2	Joop Zoetemelk	1x Omgong fan Spanje	1979

2	Jan Ullrich	1x Omgong fan Frankryk	1997
2	Jan Ullrich	1x Omgong fan Spanje	1999

Omgong fan Itaalje & Omgong fan Spanje

Oerwinningen	Hurdfytser	Omgong	Jierren
4	Tony Rominger	1x Omgong fan Itaalje	1995
4	Tony Rominger	3x Omgong fan Spanje	1992, 1993, 1994

4	Primož Roglič	1x Omgong fan Itaalje	2023
4	Primož Roglič	3x Omgong fan Spanje	2019, 2020, 2021

2	Giovanni Battaglin	1x Omgong fan Itaalje	1981
2	Giovanni Battaglin	1x Omgong fan Spanje	1981

2	Denis Mensjov	1x Omgong fan Itaalje	2009
2	Denis Mensjov	1x Omgong fan Spanje	2007

2	Nairo Quintana	1x Omgong fan Itaalje	2014
2	Nairo Quintana	1x Omgong fan Spanje	2016

Winners fan meardere Grutte Omgongen yn itselde seizoen

Tsien hurdfytsers wûnen ien of mear kearen twa Grutte Omgongen yn itselde seizoen. Alle trije de Grutte Omgongen winne troch in hurdfytser yn itselde seizoen is noch nea prestearre. Al wûn de Belch Eddy Merckx yn 1970 -1973 fjouwer kear twa Grutte Omgongen op rige.

Jier	Hurdfytser	Omgongen
1949	Fausto Coppi	Omgong fan Itaalje en Frankryk
1952	Fausto Coppi	Omgong fan Itaalje en Frankryk
1963	Jacques Anquetil	Omgong fan Frankryk en Spanje
1964	Jacques Anquetil	Omgong fan Itaalje en Frankryk
1970	Eddy Merckx	Omgong fan Itaalje en Frankryk
1972		Omgong fan Itaalje en Frankryk
1973		Omgong fan Itaalje en Spanje
1974		Omgong fan Itaalje en Frankryk
1978	Bernard Hinault	Omgong fan Frankryk en Spanje
1981	Giovanni Battaglin	Omgong fan Itaalje en Spanje
1982	Bernard Hinault	Omgong fan Itaalje en Frankryk
1985	Bernard Hinault	Omgong fan Itaalje en Frankryk
1987	Stephen Roche	Omgong fan Itaalje en Frankryk
1992	Miguel Indurain	Omgong fan Itaalje en Frankryk
1993	Miguel Indurain	Omgong fan Itaalje en Frankryk
1998	Marco Pantani	Omgong fan Itaalje en Frankryk
2008	Alberto Contador	Omgong fan Itaalje en Spanje
2017	Chris Froome	Omgong fan Frankryk en Spanje
2024	Tadej Pogačar	Omgong fan Itaalj en Frankryk

Giro-Tour	12x	1949, 1952, 1964, 1970, 1972, 1974, 1982, 1985, 1987, 1992, 1993, 1998, 2024
Giro-Vuelta	3x	1973, 1981, 2008
Tour-Vuelta	3x	1963, 1978, 2017

Aldste winners fan in Grutte Omgong

De Amerikaan Chris Horner waard troch syn winst yn de Omgong fan Spanje 2013 de âldste winner fan in grutte omgong. Hy die dit op in leeftiid fan 41 jier en 327 dagen en is sa goed 5 jier âlder as nûmer twa yn dizze rangskikking, de Belch Furmin Lambot.

Aldens	Hurdfytser	Omgong
41 jier 327 dagen	Chris Horner	Omgong fan Spanje 2013
36 jier 131 dagen	Firmin Lambot	Omgong fan Frankryk 1922
34 jier 181 dagen	Henri Pélissier	Omgong fan Frankryk 1923
34 jier 180 dagen	Fiorenzo Magni	Omgong fan Itaalje 1955
34 jier 160 dagen	Cadel Evans	Omgong fan Frankryk 2011
34 jier 069 dagen	Tony Rominger	Omgong fan Itaalje 1995
34 jier 007 dagen	Gino Bartali	Omgong fan Frankryk 1948
33 jier 310 dagen	Lucien Buysse	Omgong fan Frankryk 1926
33 jier 260 dagen	Fausto Coppi	Omgong fan Itaalje 1953
33 jier 257 dagen	Felice Gimondi	Omgong fan Itaalje 1976
33 jier 231 dagen	Joop Zoetemelk	Omgong fan Frankryk 1980

Oerwinningen nei lân

Bywurke oant en mei de Omgong fan Itaalje 2022.

#	Land	ITA	FRA	SPA	Totaal
1	Itaalje	69	10	6	85
2	Frankryk	6	36	9	51
3	Spanje	4	12	32	48
4	Belgje	7	18	7	32
5	Grut-Brittanje	2	6	3	11
6	Switserlân	3	2	5	10
7	Lúksemboarch	2	5	0	7
8	Kolombia	2	1	2	5
	Nederlân	1	2	2	5
	Sloveenje	0	2	3	5
	Feriene Steaten	1	3	1	5
12	Dútslân	0	1	3	4
12	Ruslân	3	0	1	4
14	Ierlân	1	1	1	3
15	Austraalje	1	1	0	2
16	Kanada	1	0	0	1
	DEN	0	1	0	1
	Ekwador	1	0	0	1
	Kazachstan	0	0	1	1
	Sweden	1	0	0	1
Totaal		105	101^[4]	76	282

Boarnen, noaten en referinsjes

Boarnen, noaten en/as referinsjes:

↑ (in) 07-06-2017 UCI Cycling regulations—Part 2: Road Races
↑ Op 6 febrewaris 2012 waard Alberto Contador mei weromwurkjende krêft feroardiele fanwegen it brûken fan it ferbeane middel clenbuterol ûnder de Omgong fan Frankryk 2010. Dêrtroch rekke er syn oerwinningen yn de Omgong fan Frankryk 2010 en de Omgong fan Itaalje 2011 kwyt. [1] (ned) sporza.be, 6 februari 2012
↑ De einoerwinning yn de Vuelta fan 2011 waard op 13 juny 2019 op namme fan Froome skreaun nei it skrassen fan de oarspronklike winner. Juan José Cobo nei ûnregelmjittichheden yn syn biologysk paspoart. (ned) sporza.be, 13 juni 2019
↑ Troch de dopingferklearringen fan de Amerikaan Lance Armstrong waarden syn sân oerwinningen yn de Omgong fan Frankryk fan 1999 oant en mei 2005 skrast. Der waarden troch de organisaasje en de UCI gjin nije winners oantsjut, wêrtroch't der dus sân lege plakken op de earelist oerbliuwe.

[1] (in) 07-06-2017 UCI Cycling regulations—Part 2: Road Races

[2] Op 6 febrewaris 2012 waard Alberto Contador mei weromwurkjende krêft feroardiele fanwegen it brûken fan it ferbeane middel clenbuterol ûnder de Omgong fan Frankryk 2010. Dêrtroch rekke er syn oerwinningen yn de Omgong fan Frankryk 2010 en de Omgong fan Itaalje 2011 kwyt. [1] (ned) sporza.be, 6 februari 2012

[3] De einoerwinning yn de Vuelta fan 2011 waard op 13 juny 2019 op namme fan Froome skreaun nei it skrassen fan de oarspronklike winner. Juan José Cobo nei ûnregelmjittichheden yn syn biologysk paspoart. (ned) sporza.be, 13 juni 2019

[4] Troch de dopingferklearringen fan de Amerikaan Lance Armstrong waarden syn sân oerwinningen yn de Omgong fan Frankryk fan 1999 oant en mei 2005 skrast. Der waarden troch de organisaasje en de UCI gjin nije winners oantsjut, wêrtroch't der dus sân lege plakken op de earelist oerbliuwe.

[1]

[2]

[3]

[4]