Falaise

Falaise
Polityk
Lân	Frankryk
Regio	Normandje
Departemint	Calvados
Sifers
Ynwennertal	8.086 (2018)
Oerflak	11,84 km²
Befolkingstichtens	683 / km²
Stêdekloft	10.760 (2016)
Hichte	89-188 m
Oar
Tiidsône	UTC+1
Simmertiid	UTC+2
Koördinaten	48° 53' 32" N 0° 11' 36" E
Webside	Side fan Falaise

Falaise is in gemeente yn it suden fan it Frânske departemint Calvados yn de regio Normandje. It plak makket diel út fan it arrondissemint Caen. Oant 2015 wie Falaise ferdield yn de kantons Falaise-Nord en Falaise-Sud.

Hartoch Willem fan Normandje (Willem de Oermasterer) residearre op de foargonger fan it hjoeddeiske kastiel fan Falaise. Nei't er yn 1066 Ingelân oermastere bleau er dêr as kening fan Ingelân. De histoaryske binnenstêd hat in grut part fan de midsiuwske fortifikaasjes bewarre.

Yn de Twadde Wrâldkriich waard der om Falaise hinne fûleindich fochten tusken de op de Normandyske strannen lanne alliearden en de Dútske besetters. By de slach waarden twa Dútske legers ynsletten en ferneatige. By de slach waarden grutte dielen fan de stêd skeind. Nei de kriich waard Falaise wer opboud.

Befolkingsûntwikkeling

Jier	1962	1968	1975	1982	1990	1999	2006	2016
Ynwenners	6325	7180	8368	8597	8119	8434	8438	8214
Boarnen: Cassini en INSEE

It besjen wurdich

Église Saint-Gervais (oarspronklik romaanske tsjerke, bou sûnt 1066)
Église Saint-Laurent, Chemin de Vaston: (11e-iuwsk)
Église Notre-Dame de Guibray (bou sûnt de 12e iuw, oargel fan Claude Parisot), Place de la Reine-Mathilde
Église de la Trinité , Place Guillaume-le-Conquérant
Monumint Willem de Oermasterer, Place Guillaume-le-Conquérant
Fortifikaasjes
Kastiel fan Falaise (12e-13e iuw)
Château de la Fresnaye, 48 rue Clemenceau (17e-18e iuw)

Musea

Memorial des Civils dans La Guerre, 12 Place Guillaume le Conquérant (histoarysk museum)
Museum André Lemaitre, Boulevard de la Libération (keunstmuseum)