Fumut
Il fumut al è un mût di contâ des storiis doprant une schirie di disegnuts cun adun dai tescj e dai dialics scrits in suazis a forme di nûl o di balon che a jessin de bocje dai personaçs. I fumuts a son stâts doprâts al inizi soredut come forme di narative infantîl e popolâr, e nome in un secont timp si son tacâts a fâ fumuts di un nivel artistic plui alt.
Storie dal fumut
[cambie | modifiche il codiç]Il fumut al nas tal finì dal XIX secul in Americhe cun des contis su la edizion de Domenie dai gjornâi. Tal zîr di pôcs agns i comics (cemût che a vegnivin clamâts i fumuts) a deventarin une vore popolârs. Fra lis dôs vueris mondiâls a nassin personaçs come Mickey Mouse, Tarzan, Mandrake, Flash Gordon e Superman che a son deventâts patrimoni dal imagjinari moderni.