Törsdi
 Täkst aw mooringer frasch
|
Törsdi as e däi foon e waag twasche Weensdi än Fraidi. E noome foon e däi kamt foon Üüljfrasch thunersdei, unti "däi foon Thor", huum e good foont wääder uner da üülje Germaane wus. E noome as en laanouerseeting foon di Latinsche noome dies Iovis[1]. Önj da mååste lönje önj Euroopa as Törsdi di fiirde däi foon e waag, ouers önj same lönje, tum baispal önj da Feriinde Stoote, as et di füfte däi foon e waag.