Frekwens

Tekst üüb Öömrang

Füsikaalisk grate
Nööm	Frequenz
Formeltiaken	$f,\,\nu$
Gratin- an Ianhaidensüsteem Ianhaid Dimension SI-süsteem Hz T−1

Det frekwens (faan lat. frequentia) as en miat uun a füsiik an technik an sait ütj, hüfölsis en föörgang uun en was tidj föörkomt. Hat as di kiarwäärs faan't perioodendüür.

Ianhaid

Det ianhaid för't frekwens as en SI-ianhaid an het Hertz (Hz). Diarbi as

• 1 Hz = s⁻¹.

At jaft oober uk ööder ianhaiden, t.b.

• min⁻¹ of
• h⁻¹.

Bestemang

Det frekwens $f$ faan en stüdagen föörgang as fäästlaanj üs di kiarwäärs faan't perioodendüür $T$:

$f={\frac {1}{T}}$ .

Frekwens faan waagen

Bi waagen hinget det frekwens mä't faard $c$ an det waagenlengde $\lambda$ tuup:

$f={\frac {c}{\lambda }}$.

Bi elektromagneetisk waagen as

$c={\tfrac {c_{0}}{n}}$ an $\lambda ={\tfrac {\lambda _{0}}{n}}$.

Diarbi as $c_{0}$ at faard faan't laacht uun a leesag rüm, $\lambda _{0}$ det waagenlengde diar an $n$ det breegtaal faan't meedium. Wan det meedium wakselt, feranre faard an waagenlengde jo. Man det frekwens blaft detsalew!

Luke uk diar

 Commonskategorii: Frekwens – Saamlang faan bilen of filmer