Kiel

Kiel

Kiel er havnarbýur í Norðurtýsklandi. Hann liggur báðumegin Kielarfjørðin við Eystrasaltið.

Býurin er høvuðsstaðurin og størsti býur í týska stakríkinum Schleswig-Holstein. Hann er týdningarmesta herflotahavnin í Týsklandi.

Í 2018 búðu í Kiel uml. 247.500 fólk.

Kiel er universitetsbýur. "Christian-Albrechts-Universität" varð sett á stovn í 1665 og var um hetta mundið norðasta universitetið í tí Heilaga rómverska ríkinum.

Søga

Kiel varð grundlagdur í 13. øld. Upprunaliga navnið á miðlágtýskum var Holstenstadt tom Kyle

• Í 1242 fekk Kiel býarrættindi.
• Í 1283 gjørdist býurin limur í Hansa-samgonguni.
• Í 1518 varð býurin útihýstur frá samgonguni.
• Í 1665 varð lærdi háskúlin settur á stovn.
• Í 1773 gjørdist Kiel danskur býur.
• Í 1813 hersetti Svøríki býin.
• Í 1864 hersettu Eysturríki og Prussland býin.
• Í 1866 verður Schleswig-Holstein landslut í Prusslandi og Kiel gerst høvuðsstaðurin.
• Í 1946 gerst Schleswig-Holstein stakríki við Kiel sum høvuðsstaður

Kielarfriðurin

Friðarsáttmálin millum Danmarkar og Svøríkis: Eftir samráðingar í fýra dagar varð friðarsáttmáli undirskrivaður í Kiel í Holsteini 14.-15. januar 1814 - á tí sonevndu Kielar-náttini.

Myndir

• 
  Kiel
• 
  Býurin úr erva
• 
  Ráðhúsið í Kiel
• 
  Listasavn "Kieler Kunsthalle"
• 
  Bókasavnið hjá universitetinum
• 
  Flaggið
• 
  Skjøldurin

Sí eisini

• Listi yvir størstu býir í Týsklandi

Ávísingar úteftir

• Almenna heimasíða, kiel.de
• Kiel, wikivoyage.org (á týskum)
• Kiel, wikivoyage.org (á enskum)