Yokkaichi (Mie)

Yokkaichi; 四日市市; 四日市市, Yokkaichi-shi
	Japoniako hiri nabarmena
	Irudi gehiago
Administrazioa
Herrialdea	Japonia
Uhartea; Eskualdea; Prefektura	Honshu; Kansai; Mie
Alkatea	Tomohiro Mori (en)
Izen ofiziala	四日市市; 四日市町
Jatorrizko izena	四日市市
Posta kodea	510-8601
Geografia
Koordenatuak	34°57′54″N 136°37′28″E / 34.96503°N 136.62442°E
Azalera	205,58 km²
Mugakideak	Kuwana (en) , Suzuka (en) , Inabe (en) , Asahi (en) , Kawagoe (en) , Komono (en) , Toin (en) eta Koka (en)
Demografia
Biztanleria	310.263 (2020ko irailaren 1a); −768 (2015)
Dentsitatea	1.503 bizt/km²
Informazio gehigarria
Sorrera	1897ko abuztuaren 1a eta 1889ko apirilaren 1a
Ordu eremua	UTC+09:00
Hiri senidetuak	Long Beach, Tianjin eta Yichang
	http://www5.city.yokkaichi.mie.jp/ www5.city.yokkaichi.mie.jp

Yokkaichi (japonieraz: 四日市市, Yokkaichi-shi^?) Mie prefekturako hiri handiena da. 2012ko erroldaren arabera 307.382 biztanle ditu. Prefeturako hiriburua ordea Tsu da. Nagoia hiriarekiko duen gertutasunarengatik ia 9 milioi biztanle dituen Chūkyōko metropoli eremuaren barnean dago.

Geografia

Mie prefeturaren iparraldean kokaturik dago, Iseko Badiaren ertzean.

Historia

Aintzinarotik populatua izan da Yokkaichi dagoen lurraldea baina Heian Aroaren bukaera arte biztanleria oso sakanabatua zegoen eta badiaren ertzean kai txiki baten inguruan herrixka bat baino ez zegoen. Kamakura Aroan kaiaren inguruan merkatua sortu zen, hile bakoitzaren 4an, 14an eta 24an, eta hortik datorkio izena, izan ere Yokkaichi-k laugarren eguneko merkatua esan nahi baitu.

Tokugawa shogunerriaren barnean shogunaren kontrol zuzenarenpean egon zen, eta Edo Aroan Tōkaidō errepideko 43. geltokia bihurtu zen eta Yokkaichi-juku izena hartu zuen.

Meiji berrezarkuntza 1868an hasi zenean Mie prefeturako hiriburu izendatu zuten baina 1871ean Tsu bihurtu zen hiriburu. Hala ere 1872 eta 1884 artean kaia modernizatu zuten eta 1899an Nazioarteko kaia bihurtu zen eta Estatu Batuak eta Erresuma Batuarekin komertziatu ahal izan zuen. 1897an bihurtu zen hiri.

1939an Industria kimikoaren zentru garrantzitsua bihurtu zen eta Japoniako itsas-armada inperialaren kai ere bai. Hori dela eta oso bonbakatua izan zen 1942 eta 1945 artean.

1960 eta 1972 artean hiritarren sufre oxidoen kutsadura jasan zuten hiriko enpresa petrokimikoen erruz. Yokkaichi zensoku (Yokkaichiko asma) izenaz ezagutzen da eta kutsadurak sorturiko Japoniako lau gaixotasun handienen artean dago.