The Jazz Singer

The Jazz Singer
	Irudi gehiago
Jatorria
Argitaratze-data	1927
Izenburua	The Jazz Singer
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film erromantikoa, musika-filma, film dramatikoa eta melodrama
Iraupena	88 minutu
Kolorea	zuri-beltzekoa
Deskribapena
Oinarritua	The Jazz Singer (en)
Honen parte da	National Film Registry (en)
Grabazio lekua(k)	Old Warner Brothers Studio (en)
Zuzendaritza eta gidoia
Zuzendaria(k)	Alan Crosland
Gidoigilea(k)	Alfred A. Cohn (en) ; Samson Raphaelson
Antzezlea(k)
	Warner Oland ; Al Jolson ; May McAvoy ; Richard Tucker ; Yossele Rosenblatt (en) ; Richard Tucker ; Eugenie Besserer ; Myrna Loy ; Otto Lederer ; Roscoe Karns ; Robert Gordon
Ekoizpena
Ekoizlea	Darryl F. Zanuck
Konpainia ekoizlea	Warner Bros.; The Vitaphone Corporation (en)
Edizioa	Harold McCord (en)
Bestelako lanak
Musikagilea	Louis Silvers (en)
Argazki-zuzendaria	Hal Mohr
Fikzioa
Kontakizunaren tokia	New York
Historia
Nominazioak	Egokitutako gidoi onenaren Oscar Saria ; 1st Academy Awards (en) ; Alfred A. Cohn (en)

The Jazz Singer (euskaraz Jazz abeslaria) 1927ko Alan Crosland estatubatuar zinema zuzendariaren musikal filma bat da. Samson Raphaelson idazlearen The Day of Atonement ("Pekamen Eguna") istorio laburrean oinarritua dago.

Filma honek nonbait ospea baldin badu, aktoreen solasak entzungai zeuden zinemaren historiako lehenbiziko filma izan zelako da, ordura arteko filma guztiak filma mutuak baitziren. Filma hau estreinatu bezain azkar, zinemak sekulako aldaketa jasan zuen, musikalak biderkatzeaz gain, soinudun zinemaren hastapena izan baitzen.

Argumentua

Oharra: Atal honek istorio osoa edo amaiera argitzen du.

Rabinowitz (Bobby Gordon) abeslari juduak bere seme Jakie-k (Al Jolson) familiaren kantagintza usadioaren jarrai dezan nahi du, Manhattango Lower East Side ghettoko abeslaria bilakatu dadin, baina 13 urteko mutikoak tabernan garai hartan puri-purian dagoen jazz abestiak abestu ohi ditu. Moisha Yudelson auzokideak Jakieren jardueren berri haren aitari eman eta aitak berarekin etxera arrastaka ekarriko, honakoa esanez: "Nik irakatsiko diat Jainkoak eman dian ahots hori alferrik ez xahutzen!", mutikoak aitari honakoa erantzunez: "Jotzen banauzu, joan eta ez naiz inoiz gehiago itzuliko!", ondoren aitak semeari ipurdikoak emango dizkiolarik. Aitaren ipurdikoen ondoren, Jakiek ama agurtu eta bere zina beteko du. Aldiz, aitak jasa semerik ez duela baieztatuko du.

Hamar urte beranduago, Jakie mutikoa zena, kabaretetan abestu ohi duen Jack Robin (Al Jolson) izeneko abeslaria da, Mary Dale (May McAvoy) dantzaria neskalagun duelarik. Aldiz, aitak abeslari gazte bati irakatsi ohi dio. Behinola Jack bakeak egiteko asmoz aitarenean agertuko da, baina alferrik, aitaren oihuak besterik ez baidituko jasoko, hortaz Jackek aitari honakoa erantzungo dio: "Noizbait amak (Eugenie Besserer) ulertzen nauen bezala ulertuko nauzu".

Jackek Broadwayen estreinaldian duen egunean, aita gaixo jarriko da, bere familia eta ekitaldi hartara joan edota bere fedearen arteko erabakia hartu beharko duelarik.