Sol LeWitt

Sol LeWitt
Bizitza
Jaiotza	Hartford, 1928ko irailaren 9a
Herrialdea	Ameriketako Estatu Batuak
Heriotza	New York, 2007ko apirilaren 8a (78 urte)
Heriotza modua	berezko heriotza: minbizia
Familia
Ezkontidea(k)	Carol LeWitt (en) (1982 -
Seme-alabak	ikusi Eva LeWitt (en) ;
Hezkuntza
Heziketa	Syracuseko unibertsitatea
Hizkuntzak	ingelesa
Jarduerak
Jarduerak	eskultorea, margolaria, argazkilaria, arkitektoa, ilustratzailea, marrazkilaria, conceptual artist (en) , grabatzailea, muralist (en) , collagist (en) eta artista bisuala
	Parte-hartzailea 4. documenta (en) ; Documenta 5 (en) ; Documenta 6 (en) ; documenta 7 (en) ;
Lantokia(k)	Spoleto; Amsterdam; Chester eta New York
Enplegatzailea(k)	New Yorkeko Unibertsitatea
Lan nabarmenak	ikusi Four-Sided Pyramid (en) ; Tall Irregular Progression. A les Víctimes del terrorisme (en) ; Whirls and twirls (MTA) (en) ;
Kidetza	American Abstract Artists (en) ; Art Workers' Coalition (en)
Mugimendua	Arte kontzeptuala; Minimalismoa
Genero artistikoa	arte abstraktua

Artikulu hau artista estatubatuarrari buruzkoa da; beste esanahietarako, ikus «Sol».

Sol LeWitt (Hartford, Connecticut, 1928ko irailaren 9a - New York, 2007ko apirilaren 8a) estatubatuar artista izan zen.

1945-49 bitartean Syracuseko Unibertsitatean ikasi zuen, eta 50eko hamarkadan diseinatzaile grafiko lanak egin zituen New Yorkeko arkitekto enpresa baterako. 1964-1967 bitartean New Yorkeko Arte Modernoaren Museoaren Eskolako irakasle izan zen. 1965ean kubo irekien eskulturak egiten hasi zen; egurrez edo metalez egindako egiturak, hasieran beltzez eta gero zuriz pintatuak, ikuspuntuaren arabera irudi geometriko ezberdinak irudikatzen dituztenak. Box in the Hole (1968) da ildo horretako obra adierazgarrienetako bat. 1968an, berriz, hormetan marrazkiak egiten hasi zen, eta lehena New Yorkeko Paula Cooper arte aretoan erakutsi zuen. Hormetako lehen marrazkietan arkatz beltzez eginiko lerro fin-fin bat izan ohi zen osagai nagusia, baina 80ko hamarkadan koloreak eta irudi geometriko handiak ere sartu zituen, hala nola, laukiak beste lauki batzuen barruan, edota elkarren ondoko hirukiak. Bere burua artista kontzeptualtzat zuen eta ukatu egiten zuen minimalista zenik.

Erreferentziak

Wikimedia Commonsen badira fitxategi gehiago, gai hau dutenak: Sol LeWitt

Kanpo estekak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q168587
Multimedia: Sol LeWitt / Q168587