Morningside Heights (Manhattan)

Morningside Heights
	neighborhood of Manhattan (en)
	Irudi gehiago
Administrazioa
Estatu burujabe	Ameriketako Estatu Batuak
Estatua	New York
Ameriketako Estatu Batuetako hiri	New York
Borough	Manhattan
Izen ofiziala	Morningside Heights
Posta kodea	10024, 10025 eta 10027
Geografia
Koordenatuak	40°48′35″N 73°57′37″W / 40.8097°N 73.9603°W
Azalera	0,472 mi²
Altuera	37 m
Demografia
Biztanleria	55.929 (2010)
Dentsitatea	118.494 bizt/km²
Informazio gehigarria
Ordu eremua	Ekialdeko Ordu-eremu

Morningside Heights Manhattan (New York) uharteko auzoa da. Upper West Side auzoak mugatzen du hegoaldetik, Harlem auzoak iparraldetik, Riverside parkeak mendebaldetik, eta Morningside parkeak ekialdetik. Broadway kaleak ipar aldean zeharkatzen du.

Morningside Heights batzuetan Upper West Side-ren zati sinpletzat hartzen da, Central Parkeko mendebaldeko eta ipar-mendebaldeko alde osoa hartzen duena. Barrutiak "Academic Acropolis" ezizena du, Manhattango punturik altuenetarikoa eta hainbat erakunde akademiko garrantzitsuen egoitza baita. Columbia Unibertsitateko campusak zatirik handiena hartzen du, itsasertzean beste hainbat eraikin dituena. Barnard College (neskentzako erreserbatuta), Union Theological Seminary, Jewish Theological Seminary, Manhattan School of Music eta Bank Street College of Education auzoan ere daude.

Helburu turistiko nagusia Saint John the Divine Katedrala da, Munduko katedral anglikanorik handiena eta kristautasunaren laugarren handiena dela ziurtatzen duena. 1892. urteaz geroztik eta Bigarren Mundu Gerraren artean eraiki zuten estilo neogotikoko eraikin erlijioso haundi hau. Ez da osatu eta berreraikuntza lanak oraindik ere etengabe ari dira.

Auzoan Battle of Harlem Heights izeneko bataila nabarmena izan zen, 1776ko irailaren 16an, Independentzia Gerra|Independentzia Gerraren garaian.