Mario Fernández

Mario Fernández
; Diputatua Eusko Legebiltzarrean
; 5. Eusko Jaurlaritzako lehendakariordea
Bizitza
Jaiotza	Bilbo, 1943ko azaroaren 4a
Herrialdea	Bizkaia, Euskal Herria
Heriotza	Areeta, 2024ko abenduaren 10a (81 urte)
Familia
Seme-alabak	ikusi Olatz Fernández Elejalde (en) ; Mario Fernández Elejalde (en) ;
Hezkuntza
Heziketa	Deustuko Unibertsitatea : zuzenbide (jakintza)
Hizkuntzak	gaztelania
Jarduerak
Jarduerak	politikaria, abokatua, ekonomialaria eta bankaria
Enplegatzailea(k)	Deustuko Unibertsitatea
Kidetza	Bizkaiko Abokatuen Elkargo Ohoretsua
Sinesmenak eta ideologia
Alderdi politikoa	Eusko Alderdi Jeltzalea; Eusko Alkartasuna

Mario Fernández Pelaz (Bilbo, 1943ko azaroaren 4a - Areeta, 2024ko abenduaren 10a^[1] ) euskal abokatu eta politikari jeltzalea izan zen. Eusko Legebiltzarkidea eta lehendakariordea izan zen Garaikoetxearen gobernuan, 1982 eta 1985 artean.

Ikasketak

Mario Fernández Pelazek Deustuko Unibertsitatean Zuzenbide ikasketak 1965ean bukatu zituen. 1966tik aurrera abokatua izan zen, krisialdian dauden enpresak berregituratzeari ekin ziona. Unibertsitate horretako Enpresa Fakultatearen merkataritza-zuzenbide irakasle ere aritu zen.

Politika munduan

1980ko martxoan Euzko Alderdi Jeltzaleko kide bihurtua, Espainiako Trantsizio Demokratikoa osteko lehendabiziko Eusko Jaurlaritzan hartu zuen parte.^[2] Carlos Garaikoetxea lehendakariak Lan Sailburu izendatu zuen. 1982ko urtarrilean Garaikoetxeak Autonomia Garapenerako Lehendakariorde izendatu zuen, Jaurlaritzaren bigarren posturik garrantzitsuena eta Espainiako Gobernuarekin eskumenak negoziatzeko arduraduna.

1984ko apirilean EAJk Legebiltzarkide hautatu zuen. Bigarren legealdian, lehendakariorde izaten jarraitu zuen. 1986ko iraileko Euzko Alderdi Jeltzaleko krisialdian, Eusko Alkartasuna sortu zuena, Mario Fernándezek lehendakariorde izateari utzi zion, baina partiduan eta Legebiltzarkide izaten jarraitu zuen 1987an Legealdia bukatu arte. EAJk ordutik Mario Fernández kritikotzat izan zuen eta alderdikide xumea baino ez zen izan.

2000 urtean ETAren zerrenda batean agertu zen. Euskadiko Erkidegoaren Estatuto Politikoaren Proposamenaren alde agertu zen publikoki.

Lan munduan

Politika utzi eta gero enpresa pribatuari ekin zion. BBVAren lege-aholkularitza buru, Zuzendaritza Batzordekide izan zen, Emilio Ibarra, Pedro Luis Uriarte eta Jose Ignacio Goirigolzarrirekin, harik eta ezkutuko kontuen afera medio, euskal jatorriko beste hainbat zuzendarirekin batera bankua utzi zuen arte.^[3] 2002an Uría Menéndez abokatu bulegoko bazkide bihurtu zen.^[4] 2002ko apirilean BBVAko eskandaluan bere izena agertu zen arren, Baltasar Garzon epaileak ez zion ezer egotzi.^[5]

2009ko uztailean BBKren presidente berri bihurtu zen, Xabier Iralak dimititu ondoren.^[6] BBKren buru zela, Espainiako Gobernu Ordezkari ohi Mikel Cabiecesi (PSE) mesede ekonomiko bat egiteagatik, biak zigortu zituzten 2017ko martxoan. Zigorra bere poltsikotik ordaindu zuen Fernandezek, horrelakoak Euskadin maiz egin izan direla aldarrikatuz. Horrezaz gain, 2018ko otsailan inhabilitazio berezia ezarri zion Espainiako Auzitegi Gorenak merkatal elkarteen zuzendaritzarako. Ondorioz, Repsol petrolio enpresaren Administrazio Kontseilukide izateari laga zion.

Fernandezen idazkari batek esana da merkatal kontratu bat, hasi eta buka, akatsgabe diktatzeko gai zela.

Erreferentziak

↑ «Mario Fernandez hil da, Jaurlaritzako lehendakariorde eta Kutxabankeko lehen presidente izandakoa» Berria 2024-12-10 (Noiz kontsultatua: 2024-12-10).
↑ I Legealdiko Gobernua
↑ (Gaztelaniaz)www.elmundo.es
↑ (Gaztelaniaz)www.uria.com
↑ (Gaztelaniaz)www.abc.es
↑ www.berria.info

Kanpo estekak

Datuak: Q4892469

[1] «Mario Fernandez hil da, Jaurlaritzako lehendakariorde eta Kutxabankeko lehen presidente izandakoa» Berria 2024-12-10 (Noiz kontsultatua: 2024-12-10).

[2] I Legealdiko Gobernua

[3] (Gaztelaniaz)www.elmundo.es

[4] (Gaztelaniaz)www.uria.com

[5] (Gaztelaniaz)www.abc.es

[6] www.berria.info

[1]

[2]

[3]

[4]

[5]

[6]

	Eusko Jaurlaritza (1980-1984)
Carlos Garaikoetxea (Lehendakaritza) Javier Caño (Lehendakaritzaren Idazkaritza) • Pedro Miguel Etxenike (Hezkuntza) • Ramon Labaien (Kultura) • Carmelo Renobales (Justizia) • Luis Maria Retolaza (Herrizaingoa) • Jesus Javier Agirre (Osasun eta Gizarte Segurantza) • Felix Ormazabal (Nekazaritza) • Pedro Luis Uriarte (Ekonomia eta Ogasuna) • Mario Fernandez (Lana eta Autonomia Garapenerako Lehendakariordetza) • Javier Garcia Egotxeaga (Industria) • Jose Luis Robles (Garraio, Komunikabide eta Itsas Arazoak) • Xabier Lasagabaster (Lurralde Plangintza eta Herri Lana) • Carlos Blasco (Merkataritza eta Turismo) • Juan Carlos Isasti (Industria eta Energia)

	Eusko Jaurlaritza (1984-1985)
Carlos Garaikoetxea (Lehendakaritza) Mario Fernández (Lehendakariordetza) • Juan Porres (Lehendakaritza eta Justizia) • Luis Maria Retolaza (Herrizaingoa) • Joaquin Otxoa (Ekonomia eta Ogasuna) • Juan Urrutia (Hezkuntza, Unibertsitate eta Ikerketa) • Joseba Arregi (Kultura) • Javier Caño (Lana) • Angel Larrañaga (Osasuna eta Gizarte Segurantza) • Juan Carlos Isasti (Industria eta Merkataritza) • Felix Ormazabal (Nekazaritza eta Arrantza) • Castor Garate (Lurralde Plangintza, Garraio eta Turismoa)