Katangako estatua
| Katangako estatua État du Katanga Inchi ya Katanga | |||||||
|---|---|---|---|---|---|---|---|
| 1960 – 1963 | |||||||
| Onartu gabeko estatua | |||||||
| |||||||
| Goiburua Force, espoir et Paix dans la Prosperite | |||||||
 Katangako estatua Kongoko Errepublikan, berdez | |||||||
| Geografia | |||||||
| Hiriburua | Élisabethville | ||||||
| Kultura | |||||||
| Hizkuntza(k) | Frantsesa, swahili, tshiluba | ||||||
| Erlijioa | kristautasuna, baluba, bantu | ||||||
| Historia | |||||||
| Kongoren independentzia | 1960ko ekainaren 30a | ||||||
| Sezesioa | 1960ko uztailaren 11 | ||||||
| Hego Kasairen sezesioa | 1960ko abuztuaren 8a | ||||||
| Desagerpena | 1963ko urtarrilaren 15a | ||||||
| |||||||
Katangako estatua edo Katangako Errepublika Kongoko Errepublikatik independentzia aldarrikatu zuen estatua izan zen (gaur egungo Kongoko Errepublika Demokratikoa). 1960ko uztailaren 11n Moïse Tshombe Confédération des associations tribales du Katanga (CONAKAT) alderdiko buruak Kongok independentzia lortu eta gutxira egin zuen aldarrikapena. Katangako gobernuak ez zuen probintzia osoan zehar babes berdina eduki, batez ere iparraldeko Baluba eskualdetan. Estatua gaur egun Kongoko Errepublika Demokratikoan dagoen Katanga probintziaren mugak zituen.
Independentzia aldarrikapena Belgikako negozio eta enpresen babesarekin egin zen, eta 6.000 belgikar militarren laguntza zuen. Tshombe Belgikako konpainia industrialengandik gertu zegoen, bereziki Katangan zeuden kobre, urre eta uranio mineralak ustiatu zituzten meatze enpresak. Katanga zen Kongoko eskualde garatu eta aberatsenetariko bat. Katangaren galerarekin, Kongok bere mineral ustiapenen gehiengoa galduko zuen, eta berarekin batera diru-sarrerak. Kongoko gobernu zentralak eta nazioarteko iritziaren zati handi batek ikusi zuen Katangaren independentzia Belgikaren esku egongo zen txotxongilo-estatu bat sortzeko saiakera zela.
Belgikak ez zuen inoiz ofizialki babestu estatu berria, nahiz eta laguntza militarra eman zion. Katanga Gendarmerie deitzen zen indar militar bat sortu zuen Tshombere gobernuak, eta Europako mertzenario zein Belgikako Armadaren tekniketan hezi zituzten. Kongoko krisialdiaren barruan, NBEren tropen babesa jaso zuen Kongok Katangako sezesioa gelditu ahal izateko.
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1148907
Multimedia: State of Katanga / Q1148907