Juju

1873ko marrazki honetan «juju etxe» bat ikusten da, Beningo golkoan. Burezurrak eta hezurrak fetixe gisa erabiltzen dira.

Juju Mendebaldeko Afrikaren erlijio tradizionalaren magiako praktikak izendatzeko erabiltzen den hitza da, batez ere Nigerian eta Kamerunen. Halaber, juju magia egiteko edo sorginkerietan erabiltzen diren objektuak dira.

Etimologia

Hitzaren jatorria ez dago garbi: Afrikako hizkuntza batetik zuzenean edo frantses bitartez heldu zaigun hitza izan daiteke.

Juju Amerikan

Juju terminoa eta harekin lotutako praktikak esklaboek eraman zituzten Afrikatik Ameriketara. Praktika horiek bizirik daude gaur egun Amerikako zenbait eremutan, batez ere Kolonbiako Pazifikoko kostaldean.

Erabilera

Juju erabiltzen da, batzuetan kontratua betearazteko edo betetzen dela ziurtatzeko. Hori ere gerta daiteke migrazioen, pertsonen trafikoaren eta behartutako prostituzioaren testuinguruan. Eszenatoki tipiko batean, emakume nigeriar batek juju sorginkeria bat jasotzen du Europara prostituziora bidali aurretik. Juju sorginkeriak kontrabandistei edo trafikatzaileei ordainduko diela eta ihes egingo ez duela ziurtatu nahi du.

Vudua ez dago jujuarekin erlazionatuta, antzekotasun linguistiko eta espiritualak izan arren. Juju ona egon daiteke, ia ekintza on guztietatik etor daitekeena; Juju txarra ere, alderantziz, sor daiteke. Gainera, jujuak eragina du zortean eta fortunan.

Sineskeria honetan ohikoa da bitxien antzeko elementu txikiak gainean eramatea; barruan "sorgin medikuek" sortzen dituzten "drogak" izaten dituzte.

"Juju" terminoa zerbaiten sentimendua izendatzeko erabili ohi da ere bai. Adibidez, pertsona bat objektu edo leku batek kaltetuta sentitzen bada, objektuak edo lekuak "juju txarra" duela esango genuke.

Ikus, gainera

• Afrikako erlijio tradizionalak
• Vudu
• Candomblé

Kanpo estekak

• Datuak: Q6005839
• Multimedia: Juju / Q6005839