Joseph Schumpeter

Joseph Schumpeter
Irudi gehiago
finance minister of Austria (en) 1919ko martxoaren 15a - 1919ko urriaren 17a ← Otto Steinwender (mul) - Richard Reisch (en) →
Bizitza
Jaiotzako izen-deiturak	Joseph Alois Schumpeter
Jaiotza	Třešť, 1883ko otsailaren 8a
Herrialdea	Austria-Hungariako Inperioa Austria Alemania Ameriketako Estatu Batuak  (1939 -
Lehen hizkuntza	alemana
Heriotza	Salisbury eta Connecticut, 1950eko urtarrilaren 8a (66 urte)
Hobiratze lekua	Salisbury Cemetery (en)
Heriotza modua	berezko heriotza: bihotz-biriketako geldialdia
Familia
Aita	Josef Schumpeter
Ezkontidea(k)	Elizabeth Firuski (en) Elizabeth Boody (en)  (1937 -  1950)
Hezkuntza
Heziketa	Vienako Unibertsitatea Theresianum (en)
Hezkuntza-maila	Doktoretza
Tesi zuzendaria	Eugen von Böhm-Bawerk (en) Friedrich von Wieser
Doktorego ikaslea(k)	Ferdinand A. Hermens (en) Paul Samuelson James Tobin Paul Sweezy (mul) Anne P. Carter (mul) Arthur Smithies (en) Wolfgang Stolper (en) Paul McCracken (en) Shou-Shan Pu (en) Daniel C. Vandermeulen (en)
Hizkuntzak	alemana ingelesa
Irakaslea(k)	Eugen von Böhm-Bawerk (en)
Ikaslea(k)	ikusi Nicholas Georgescu-Roegen
Jarduerak
Jarduerak	ekonomialaria, katedraduna, book collector (en) , antropologoa, legelaria, politologoa, economist (en) , politikaria, political scientist (en) eta unibertsitateko irakaslea
Enplegatzailea(k)	Bonngo Unibertsitatea Grazko Unibertsitatea Harvard Unibertsitatea Txernivtsiko Unibertsitatea
Lan nabarmenak	ikusi Capitalism, Socialism and Democracy (en)
Jasotako sariak	ikusi Fellow of the Econometric Society  (1933)
Kidetza	Arteen eta Zientzien Ameriketako Estatu Batuetako Akademia Econometric Society (en)

Joseph Alois Schumpeter (Triesch, Moravia, Austria-Hungariako Inperioa, 1883ko otsailaren 8a – Salisbury, Connecticut, AEB, 1950eko urtarrilaren 8a) austriar ekonomialaria izan zen.

Ezaguna izan zen kapitalismoaren bilakaerari buruz egin zuen azterketagatik, zeinetan enpresak eta enpresaburuek duten eragina eta berrikuntzaren indarra baieztatu baitzuen. Ekonomialari liberaltzat jo izan bada ere, haren pentsamendu heterodoxoa nabaria da. Bere lanik ezagunena History of Economic Analysis da .

Biografia

Schumpeterren jaiotetxea, Trieschen.

Vienako unibertsitatean egin zituen ikasketak eta Czernowitz, Graz, Bonn, Harvard, Cambridge eta Massachusettseko unibertsitateetako irakasle izan zen.

1919-1925 bitartean, Austriako Finantza ministro izan zen.

1932. urtetik hil arte Estatu Batuetan bizi izan zen.

Ekonomiaren estatikaren eta dinamikaren arteko bereizketa ezarri zuen, hots, ekonomia geldoa eta bilakatuz doana bereizi zituen; hala, berrikuntza eta enpresari berritzailearen kontzeptuak sortu zituen, kapitalismoaren interpretazio berri bat emateko erabili izan direnak. Ekonomiaren garapena jarri zuen ekonomia politikaren eta azterketaren oinarri eta ardatz. Kapitalismoaren garapena ez dela homogeneoa eta uniformea adierazi zuen, eta ekonomiaren prozesua zikloka garatuz joaten dela, berrikuntzak direla eta, aurreko oreka galdu egiten delako. Bestalde, Schumpeterren ustez kapitalismoa ez da desagertuko eraginkorra ez delako, bere arrakasta ekonomikoen ondorioz sortuko diren arazoengatik baizik (berrikuntzak sartzeko kemenaren galeragatik eta estatuaren kontrol gero eta handiagoagatik).

Obra nagusiak: Theorie der wirtschaftlichen Entwicklung (1912, Ekonomia egokieraren teoria), Capitalism, Socialism and Democracy (1942, Kapitalismoa, sozialismoa eta demokrazia) eta History of Economic Analysis (1954, Ekonomia azterketaren historia).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q78477
• Multimedia: Joseph Schumpeter / Q78477