Jenny Åkerström
| Jenny Åkerström | |
|---|---|
 | |
| Bizitza | |
| Jaiotza | Lohärad Parish (en)  , 1867ko ekainaren 7a |
| Herrialdea |  Suedia |
| Heriotza | Engelbrekt church parish (en) , 1957ko urriaren 28a (90 urte) |
| Hobiratze lekua | Norra begravningsplatsen (en) |
| Jarduerak | |
| Jarduerak | idazlea eta School Founder (en) |
Johanna Antonia (Jenny) Åkerström-Söderström (Lohärad, 1867ko ekainaren 7a – Stockholm, 1957ko urriaren 28a) suediar sukaldaritzako liburuen egilea eta etxeko ekonomiako irakaslea izan zen.
Bizitza
[aldatu | aldatu iturburu kodea]Anton eta Maria Åkerströmen alaba, Jenny Åkerström Lohäraden jaio zen 1867ko ekainaren 7an[1].
Sukaldaritzaren inguruko artikuluak idatzi zituen Bonniers veckotidning, Vecko-Journalen eta Bonniers månadstidning aldizkarietarako. Etxeko ekonomiako eskola ospetsu bat zuzendu zuen Stockholmen, Jenny Åkerströms Husmodersskola. Eskolak ospea lortu zuen, Margarita, Marta eta Astrid printzesek han ikasi baitzuten[1].
Hainbat sukaldaritzako liburu argitaratu zituen, besteak beste, Prinsessornas kokbok liburu ospetsua (1929). Beste errezeten artean, grön tårta («gozopil berde») deiturikoaren errezeta sartu zuen bertan. Gaur egun, errezeta hori prinsesstårta («printzesaren gozopil») bezala ezagunagoa da[2].
1911n, Bengt Söderström (1880-1934) farmazialariarekin ezkondu zen Djursholmen[1]. 1957ko urriaren 28an hil zen, eta Solnako Norra begravningsplatsen hilerrian lurperatu zuten[1].
Lanak
[aldatu | aldatu iturburu kodea]- Recept på maizenarätter (1910)
- Prinsessornas kokbok : Husmanskost och helgdagsmat (1929)
- Mazetti kokbok : Förfriskningar, efterrätter, bakverk etc. (1930)
- Maizena : Recept å soppor, såser, efterrätter, bakverk etc. (1931)
- Swedish smörgåsbord : 100 recipes for the famous swedish hors d'oeuvres (1933)
- 39 utvalda recept på god mat (1933)
- Billig sommarmat : praktisk handbok (1934)
- Mera god mat : en fortsättning på Prinsessornas kokbok (1939)
- Prinsessornas nya kokbok (1948)
Erreferentziak
[aldatu | aldatu iturburu kodea]- ↑ a b c d (Suedieraz) Hamberger, Agnes. «Johanna Antonia (Jenny) Åkerström» Svenskt kvinnobiografiskt lexikon 2020-12-18 (kontsulta data: 2024-12-26).
- ↑ (Ingelesez) «Princess cake demystified (prinsesstårta)» Semiswede 2011-09-21 (kontsulta data: 2024-12-26).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q3177175
Multimedia: Jenny Åkerström / Q3177175