Interpretatzaile (informatika)

Interpretatzailea programa informatiko bat da eta maila altuko lengoaian idatzita dauden beste programa batzuk exekutatzeko erabiltzen da. Konpiladoreekin duten ezberdintasuna azaltzeko, esan, konpiladoreek programazio lengoaiatik makina kodera pasatzen dutela. Interpretatzaileek, bitartean, itzulpena behar duten neurrian egiten dute, instrukzioz instrukzio. Gainera, ez dute itzulitakoa gordetzen.

Interpretatutako programak motelagoak izaten dira normalean konpilatutakoak baino, programa exekutatzen ari den bitartean itzultzen duelako, bestalde malguagoak dira programazio eta arazketan.

Konpiladore eta interpretatzaile baten lana pertsona batekin alderatuz gero, itzultzaile profesional bati egingo lioke erreferentzia konpiladore batek testu batean dagoena independenteki beste hizkuntza batera itzuliz. Interpretatzaile batek, bitartean, ahoz itzuliko luke dena idatziz ezer egin beharrik izan gabe.

Gaur egun, internet da interpretatzailea erabiltzen den gune ezagunenetarikoa. Hauek aukera handiagoa baitute plataformatik independenteki exekutatzeko.