Heriotza Nilo ibaian

Heriotza Nilo ibaian
Datuak
Idazlea	Agatha Christie
Argitaratze-data	1937
Generoa	Eleberria
Jatorrizko izenburua	Death on the Nile
Hizkuntza	ingelesa
Argitaletxea	Collins Crime Club
Herrialdea	Erresuma Batua
Euskaraz
Izenburua	Heriotza Nilo ibaian
Itzultzailea	Xabier Aristegieta Okiñena
Argitaratze-data	2006
Orrialdeak	475
ISBN	978-84-8748-4727

Heriotza Nilo ibaian (Death on the Nile, ingelesez) Agatha Christiek idatzitako eleberria da. 1937an argitaratu zen Erresuma Batuan. Euskarazko itzulpena 2006an argitaratu zen.

Argumentua

Oharra: Atal honek istorio osoa edo amaiera argitzen du.

Nilo ibaitik doan Karnak ontzian neska ezkonberri eta aberats bat hilik agertzen da. Geroago, bi hilketa gehiago gertatuko dira. Hercule Poirot ontzi horretan dago eta bera arduratuko da hilketen ikerketaz.

Pertsonaiak

Karnak ontzikoak

Linnet Doyle (ezkondu baino lehen, Linnet Ridgeway): neska gazte ingelesa, oso aberatsa. Simon Doylekin ezkontzen da. Bere eztei-bidaian dagoenean, tiroz hilda agertzen da ontziko bere logelan.
Simon Doyle: Linnet Ridgewayren senarra. Linnetek administratzaile lanak egiteko kontratatzen du, baina laster ezkontzen dira. Jacqueline de Belleforten senargaia izan zen.
Jacqueline de Bellefort: Linneten adiskidea eta Simon Doyleren emaztegaia. Berak konbentzitzen du Linnet, Simon Doyle kontratatzeko.
Louise Bourget: Linneten neskamea.
Salome Otterbourne: eleberrigile entzutetsua, nahiz eta bere garai onenak pasata egon. Rosalie alabarekin bidaiatzen da.
Rosalie Otterbourne: Salomeren alaba.
Allerton andrea: Andre prestua. Tim semearekin bidaiatzen da.
Tim Allerton: Zeregin askorik gabeko mutila. Allerton andrearen semea.
Andrew Pennington: Linnetek Estatu Batuetan dituen ondasunen administratzale amerikarra.
Marie Van Schuyler: Andre aristokrata. Bere lehengusinarekin eta erizain batekin bidaiatzen da.
Cornelia Robson: Van Schuyler andrearen lehengusina gaztea.
Bowers andereñoa: Van Schuyler andrearen erizaina.
Ferguson jauna: ideia komunistak dituen gaztea.
Guido Richetti: arkeologo italiarra.
Jim Fanthorp: Abokatua. Linneten abokatu ingelesaren iloba.
Carl Bessner: Mediku alemaniar (edo austriar) ospetsua.
Hercule Poirot: Egipton zehar bidaiatzen den detektibe belgikarra.
Race koronela: Hercule Poiroten aspaldiko laguna. Hiltzaile arrikutsu baten bila agertzen daKarnak ontzian.
Fleetwood jauna: Karnak ontziko makinista bat.