Gran San Bernardo

Gran San Bernardo
	Italy–Switzerland border (en) ; State road 27 (en) ; Main road 21 (en)
Geografia
Altuera	2.469 m
Mendikatea	Alpes Grand Combin (en)
Lurraldea	Valais kantonamendua eta Aostako Harana

Gran San Bernardo (italieraz: Colle del Gran San Bernardo; frantsesez: Col du Grand Saint-Bernard; alemanez: Grosser Sankt Bernhard Pass) Suitzako Valais kantonamenduan dagoen Martigny udalerria eta Italiako Aosta udalerria lotzen dituen mendatea da. Mendatearen gaina Suitzako lurraldean kokatzen da, Italiako mugatik oso hurbil.

Mont Blanc eta Monte Rosa mendien artean dago, eta Po eta Rodano ibaiaren ibarrak banatzen ditu.

Historia

Mendate hau Mendebaldeko Alpeetako pasabide zaharrena da, bertan Brontze Aroko aztarnak eta erromatar bide baten arrastoak ere mantendu direlarik. Leku honetan 1049an Gran San Bernardo Hospizioa eraiki zen. Gerora, Hospizio hau mendiko erreskate lanetan San Bernardo arrazako txakurrak erabiltzeagatik ezaguna egin zen. Bestalde, 1800ean Napoleon Bonaparte eta bere gudarostea Italiara joateko mendate honetatik iragan ziren.

1905an eraikitako bide bat du, %11ko malda du eta gaur egun asfaltatuta dago, halere urtean zehar elurteen ondorioz urritik maiatzera itxia egotea ere ohikoa izan ohi da.

Klima

Datu klimatikoak (Col-du-Grand, San Bernardo)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	-4.4	-4.9	-3.2	-0.9	3.7	8.2	11.5	11.3	7.5	3.6	-1.5	-3.7	2.3
Batez besteko tenperatura (ºC)	-7.2	-7.6	-5.8	-3.4	1.1	5.1	8.1	7.9	4.5	1.0	-4.0	-6.4	-0.6
Batez besteko tenperatura minimoa (°C)	-9.8	-10.2	-8.5	-5.9	-1.3	2.2	4.8	5.0	2.0	-1.3	-6.3	-8.9	-3.2
Pilatutako prezipitazioa (mm)	232	208	215	232	213	158	135	136	143	202	248	246	2368
Prezipitazio egunak (≥ 1.0 mm)	13.6	12.0	14.3	14.9	16.0	13.2	12.0	12.3	10.9	12.3	13.3	14.0	158.8
Eguzki orduak	55	106	151	139	149	183	212	198	160	125	67	25	1571
Hezetasuna (%)	66	68	75	81	82	77	75	76	78	76	72	68	74
Iturria: MeteoSwiss^[1]