Gert Hofmann

Gert Hofmann
Bizitza
Jaiotza	Limbach-Oberfrohna, 1931ko urtarrilaren 29a
Herrialdea	Alemania
Heriotza	Erding, 1993ko uztailaren 1a (62 urte)
Heriotza modua	: gaixotasun zerebrobaskularra
Familia
Seme-alabak	ikusi Michael Hofmann (mul)
Hezkuntza
Heziketa	Leipzigeko Unibertsitatea Friburgoko Unibertsitatea
Hizkuntzak	alemana
Jarduerak
Jarduerak	idazlea, antzerkigilea, ipuingilea eta eleberrigilea
Parte-hartzailea Ingeborg Bachmann Award 1979 (en)
Enplegatzailea(k)	Texasko Unibertsitatea Austinen University of Ljubljana (en) Parisko Unibertsitatea Kaliforniako Unibertsitatea Berkeleyn Tolosako Unibertsitatea
Jasotako sariak	ikusi Ingeborg Bachmann Prize  (1979) Alfred-Döblin-Preis  (1981) Literaturpreis der Stadt München  (1993)
Kidetza	Alemaniako hizkuntza eta literatura akademia
Genero artistikoa	antzerkia

Gert Hofmann (Limbach, Saxonia, Alemania, 1931ko urtarrilaren 29a - Erding, Munich, Alemania, 1993ko uztailaren 1a) alemaniar idazlea izan zen.

Biografia

Itzulpen eta interpretazioko ikasketak egin zituen lehenbizi, eta filologia- eta soziologia-ikasketak gero. 1961etik aurrera eskolak eman zituen atzerriko zenbait unibertsitatetan (Tolosa Okzitania, Bristol, Yale, Berkeley eta Ljubljana), eta 1981ean Erdingen jarri zen bizitzen, idazle profesional bihurtuta. 1960ko hamarraldian ezagutarazi zuen bere burua, irratirako idazlanak eta antzerki-lanak idatziz, baina batez ere telebistarako idazlan batek Hochzeitsnacht (1967, "Eztei-gaua"), nagusitasun mekanismoei buruzko erreportajea, emaztegaiaren aitaren aspaldiko gerra lagun baten bidez aurkeztua zabaldu zuen Hofmannen ospea mundu osora. Unsere Eroberung (1984, "Gure konkista") eleberrian Hofmannek nazionalsozialismoaren gai korapilatsuari heldu zion, Veilchenfeld filosofo juduaren jazarpena eta heriotza ikusten duen haur baten ikuspegitik.

Hofmannen lanek, errealitatearen krudeltasuna deskribatzen duten neurrian, Thomas Bernharden obrarekin erkatzen dira askotan, bai batean bai bestean eszeptizismoa delako nagusi, nahiz eta idazlearen jarrera baikorra izan beti. Beste lan batzuk: Auf dem Turm (1982, "Dorrean"), Veilchenfeld (1986).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q77751