American Civil Liberties Union

American Civil Liberties Union
Datuak
Izen laburra	ACLU
Mota	Interes-taldea, gobernuz kanpoko erakundea eta irabazteko asmorik gabeko erakundea
Herrialdea	Ameriketako Estatu Batuak
Agintea
Lehendakaria	Susan N. Herman
Zuzendaria	Anthony Romero (en)
Egoitza nagusi	New York;
Legezko forma	501(c)(4) organization (en) eta 501(c)(3) organization (en)
Jabea	baliorik ez
Ekonomia
Diru-sarrerak	152.178.320 $ (2017)
Historia
Sorrera	1920
Sortzailea	Roger Nash Baldwin (en) ; Crystal Eastman (en) ; Walter Nelles (en) ; Morris Ernst (en) ; Albert DeSilver (en) ; Arthur Garfield Hays (en) ; Jane Addams; Felix Frankfurter; Elizabeth Gurley Flynn
Ordezkatzen du	National Civil Liberties Bureau (en)
Jasotako sariak	Hugh M. Hefner First Amendment Award ; VH1 Trailblazer Honors (2018)
	webgune ofiziala;

Askatasun Zibilen aldeko Amerikar Batasuna (ingelesez, American Civil Liberties Union, ACLU) Estatu Batuetako hiritarren elkarte pribatua da, politika ideia jakinik gabea eta aberastasun xederik gabea.

Historia

1920an Lehen Mundu Gerrako kontzientzia eragozpena praktikatzen zutenen alde sortua izan zen.Hura izan zen bere xedea hasieran, eta harrezkero gizabanakoaren oinarrizko eskubide eta askatasunen alde borrokatu da, eta orobat nabarmendu da talde babesgabeen aldeko lanean eta aginte publikoak egindako gehiegikerien kontrako lanean.

Elkartea 1920an sortu zuen Roger Baldwinek, estatubatuar guztien oinarrizko eskubideak, batetik, eta konstituzioak aginpide betearazleari ematen dizkion eskumenak jasotzen dituen Eskubide Aitorpenak esaten duena, bestetik, bermatzen zela begiratzeko helburuarekin. Baldwinez gainera, garrantzi handiko zeregina izan zuten elkartean zenbait idazlek (Hellen Keller eta James Weldon Johnson adibidez), politikarik (Norman Thomas eta Eugene V. Debs), Felix Frankfurter epaileak edo mugimendu feministako kideek, adibidez Jeanette Rankin, Crystal Eastman eta Mary Ware Dennetek.

Elkarteak aurrera eramandako lanetan, bestalde, azpimarratzekoak dira, lehenik, ideologia arrazoiengatiko deportazioaren kontra egindako kanpainak; langileen eskubide sindikalen aldekoak edo gerraren kontrako iritzia emateagatik espetxeratuen aldekoak. Aurrerago zentsuraren kontra lan egin zuen, eta zenbait epaiketa ospetsutan parte hartu zuen, adibidez irakasleek teoria moralgabeak irakasteagatik zigortu nahi zituztenetan.

Bigarren Mundu Gerran japoniarren konfinazioaren kontra agertu zen, eta gaitzetsi egin zuen gerraren ondoren bete beharreko leialtasunezko zina, zeinetan hiritarrak zin egiten baitzuen ez zela komunista eta erakunde subertsiboetako kide ez zela. Ikastetxeetako arraza bereizkeriaren alde ere jardun zuen, arrakastaz gainera

1970eko hamarkadan emakumeek abortuaren gainean erabakitzeko duten eskubidea aldarrikatu zuen, besteak beste. Azkenaldian, bere plangintzetan lantzen ditu HIESaren kontrako borroka, arteetako zentsura, haurren eskubideak, heriotza zigorra, hezkuntzaren erreforma, homosexual eta lesbianen eskubideak, nazio segurtasuna, emigranteen eskubideak, presoen eskubideak, teknologia eta pribazitatea, boto eskubidea, abortu eskubidea, emakumeen eskubideak eta langileenak.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-06-28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q21637
Multimedia: American Civil Liberties Union / Q21637